دليل تشجيع نادى الزمالك

فريق راجل. دوت كوم


نادى الزمالك نادى كبير ومن أعرق الفرق فى أفريقيا ، وإحنا كمصريين بنتشرف بوجود الأهلى والزمالك فى بلدنا لأنهم اكبر قوتين فى أفريقيا ، وبعيداً عن مناوشات الجمهورين واللى هو حاجة طبيعية بتحصل بين اى جمهورين متنافسين فى أى حتة بيتلعب فيها كورة هنقولكم شوية مميزات للمشجع الزمالكاوى على سبيل الترفيه والفرفشة وليس التعصب الكروى !

1 – صبور

كتب أحد الزمالكوية تويتة بيقول فيها المفروض يغيروا المثل بتاع " ياصبر أيوب " يخلوه يا " صبر الزمالكاوى " هيكون واقعي أكتر !
عنده حق ... أى مشجع زمالكاوى لو افترضنا عمره 20 سنة فهو داق على إيد فريقه اللى بيشجعه مرارة الإنتظار والصبر تلات ارباع عمره على الأقل ومع ذلك فضل يحبه ويستنى فوزه ببطولات واللى اتحقق فعلاً السنة اللي فاتت .

CRYPlKsUYAA41sO.jpg

2- إبراهيم الفقي فى نفسه

الشخص الزمالكاوى أكتر شخص متفائل فى الدنيا ، عقيدته مبنية على شئ فى اوقات كتيرة ممكن ميكنش موجود فى الحقيقة ولكنه بيتبع نظرية آمن بالشئ يأتيك ... يعنى ممكن لو الزمالك بيلعب بطولة كبيرة والفرقة فازت فى اول ماتشين مثلاً ولسه فاضل 20 ماتش ... جمهور الزمالك بيعتبر ان البطولة بقت فى جيبه ويبدأوا التفاخر بيها ، وده غالباً بيوصل للاعيبة والأجهزة الفنية وغالباً بيخلي فيه تراخي وبيخسروا البطولة .. ومن هنا طلع شعار " سنظل أوفياء "

66084_Details.jpg

3 – مزاجنجي

المشجع الزمالكاوى الوحيد يمكن فى العالم اللى لو فاز فى ماتش والفرقه ملعبتش كويس أو حد من اللاعيبة رقص كام ترقيصة حلوين على كام كوبرى حراق ميبقاش متمزج كده من الماتش ... علشان كدة لقب مدرسة الفن والهندسة مكنش من فراغ ... الفوز العادى مش بتاع الزمالكوية خالص !

giphy.gif

4- مقاتل

عقيدة الزمالكاوى بتجبره على القتال ضد اى رأى مخالف للرأى الأبيض ، والقتال ده ميزة كبيرة جداً بتساهم ان شعبية الفريق رغم الاهتزاز فى النتايج تفضل كبيرة ومتنامية ، يعنى مثلاً " نادى القرن فى افريقيا " لقب عدي عليه أكتر من 17 سنة ، والعالم كله عرف ان الاهلى هو صاحب اللقب ده واتكتب كتب واتعملت ماتشات واتحط فى موسوعات ، ولسه كل زمالكاوى بيقاتل لإثبات حقيقة إن الزمالك هو
" نادى القرن الحقيقي " ... لا تملك أمام الروح دى إلا الإعجاب !

130.jpg


5- متنبئ

إسأل أى زمالكاوى قبل أى ماتش للزمالك مع فريق بيلعب فيه لاعيب زمالكاوى لسه سايب الفرقة مين هيجيب جول للمنافس ، هيقولك وهو مغمض لاعب الزمالك السابق .. بقت قاعدة خلاص إن أى حد يستغنى عنه الزمالك حتى لو مش قادر يجر رجله بيتحول لرونالدو الظاهرة فجأة فى ماتشات الزمالك وده طبعاً علشان يثبت انه جامد ومينفعش يمشي ،

-2-e1464625279311.jpg


شارك هذا المقال: