زهرة رامي .. قطفها العمل ورواها جمهورها

مصطفى خضر

وضرب الزهرة ..رامي مترصد !
هو كبائع ورد على كورنيش فارغ من الناجحين لا يحرك هواءه الركد إلا بعض التجارب الغريبة الناجحة _سبحان المولى_ هناك شخص ما، شئ ما، جو ما، يترصد الناجحين هنا، ومن هنا أدعم أنا "زهرة رامي" التي لا أعرفها بشكل شخصي لكني عرفت صوتها .. حرفيتها ونجاحها.

764.jpg

صلوا بينا على النبي، كام واحد في مصر بيعمل شغله صح ؟؟

طيب بلاش .. كام واحد عارف يعمل شغله صح إزاي ؟؟

ولا أقولك كام واحد فاهم شغله أصلا ؟؟ قليل ..قليل أوي اللي فاهم هو بيعمل إيه..

معظم الناس للأسف الأسيف في مصر بتطجن .. بتعجن .. بتعمل أي كلام .. وده من منطلق اشتغل أقل تغلط أقل، متشتغلش خالص متغلطش خالص، ومن هنا اسمحولي ناخد "زهرة" مثال ..

.. هنلاقيها من الناس القليلة جدا اللي عارفة وفاهمة ومزاكرة شغلها كويس، عارفة إن برنامج صباحي يعني صباح الفل .. يعني نشاط، حيوية، بهجة، كلمة حلوة بصوت حلو بطريقة حلوة ..

تفتح شبابيك اليوم على شوية هوا ساقعين، جرعة من التفاؤل والطاقة تستاهل ودن المستمع، وزهرة كانت حرفية بزيادة .. مهنية بافترا ..ناجحة باستحقاق

عارف إن "ابدأ يومك" وإن كان اسما يفتقد الإبداع، لكنه معبر بنسبة 100% و"زهرة" اللي اللي عملت كده، بقى البرنامج على ايديها بداية حقيقية لليوم، ودي قاعدة مهنية واضحة مبيعملهاش معظم مقدمي أو مذيعي البرامج في مصر .. "أن يعبر اسم البرنامج عن محتواه وتحركه المعالجة والأداء

المعبرين عنه" قاعدة تانية نفذتها "زهرة" وهى "استهداف الجمهور" بشكل صحيح وواضح وناجح ..

فأصبحت كنسكافية لبعض الناس واصطباحة حلوة للبعض الآخر، ابتسامة خفيفة ع الصبح، ضحكة من القلب بيزقها وصوت عذب..

هو ده النجاح بحذافير حذافيره إنك تطبق القواعد بطريقة ممتعة، دي المعادلة الصعبة اللي حققتها زهرة، وكان صعب على كتير تحقيقها، "زهرة" ربطت الناس بيها وبإذاعتها وبرنامجها، متقطعوش الوصال. ميهمنيش تفاصيل المشكلة اللي يشوبها بعض التكتم، وإن كنت سمعت بعض الأنباء اللي مش

من حقي نشرها، ولا يهمني القواعد الاحترافية عن ملكية المحطة للبرنامج ملكية المعلن للدقايق أم فلوس، يهمني "زهرة" صاحبة ال 100 صوت تفضل تقول، متفارقش وقفتها ورا المايك اللي بتبسط بيها كتير كل يوم الصبح، يهمني أكتر إن الناس تفضل مصدقة وعندها أمل حقيقي إنها ينفع تنجح هنا

وإن مش كل "زهرة" هتطرح نجاح هتلاقي حد يقطفها .. علشان يعرفوا يكملوا.

لو عايز تعرف أكتر عن الأزمة .. ده كلام زهرة نفسها


شارك هذا المقال: