بين الجد والهلس .. 5 قنوات لازم تتابعهم علي يوتيوب

عمرو موسى

اليوتيوب أكتر موقع ممكن تتسحل جواه وتقعد بالساعات تتفرج علي فيديوهات, تدخل في الأول تتفرج علي إعلان فيلم, بعد كده يشدك فيديو كليب فتتفرج عليه, بعد كده فيديو بيضحك,و بعد ساعتين من الفرجة علي فيديوهات من كل الأشكال والأنواع اللي في الدنيا من حاجات تعليمية وحاجات هلس تلاقي نفسك بتتفرج علي فيديو مصارعة بين فرخة وديك مثلا!

عشان اليوتيوب عليه تقريبا كل أنواع الفيديوهات اللي في الدنيا, وعشان كلنا بنحب نتفرج علي فيديوهات, جبتلكوا 5 قنوات بيقدموا حاجات مختلفة عشان تشوف فيديوهاتهم وتعملهم سابسكرايب, حاولت أخليهم مختلفين علي قد ما أقدر يعني هتلاقي حاجات عربي, حاجات أجنبي, حاجات مفيدة وحاجات هلس


1- Egyptoon إيجيبتون

أول قناة كارتون مصرية للشباب على يوتيوب وبتقدم محتوي مختلف عن الأحداث اللي بتحصل في مصر والوطن العربي بشكل كوميدي علي هيئة كارتون


Minute Physics- 2 

قناه للمبتدئين بتشرح المفاهيم البسيطة في العلوم والفيزيا في فيديوهات قصيرة اللي ممكن تستخدمها وتستفيد منها في حياتك العامة, كمان تبين إنك فاهم لو إتزنقت في موضوع مع الناس اللي بيبقوا فاهمين وعارفين كل حاجة دول


3- تميم يونس

تميم من أجمد الناس اللي بتنزل فيديوهات علي اليوتيوب وهوا بيتكلم, عنده برنامج اسمه رسيني أغلبنا عارفه, كمان ساعات بينزل فيديوهات تانية صغيرة 


4- علاء وردي

علاء من أشهر المغنيين العرب علي اليوتيوب, بيعمل كافر لأغاني عربي وأجنبي بصوته وبطريقته اللي ساعات كتير بتبقي مختلفة عن الطريقة الأصلية للأغنية


Scoop Empire- 5 

القناة الرسمية للموقع المعروف scoopempire.com واللي بيقدمه من خلالها كل ماهو جديد ومصدر اهتمام من الشباب


شارك هذا المقال: