مقارنه بين اغلى موبيلين فى مصر - samsung s9+ Vs iphone x‎

أحمد صلاح


بنشوف اليومين دول على التلفزيون اعلانات لاحد موبايل سامسونج نزلته وهو سامسونج اس 9 بلس.. وانهارده هنقارن بين شويه خصائص ومواصفات بين الموبايل دا واعلى موبايل لسلسله ايفون وهو ايفون x

Bursa-tour-from-Istanbul-e1484580826211-500x300.jpg


التصميم
كل واحد فيهم بيعتبر تحفه فنيه فى التصميم , الايفون بيتميز بمواد التصنيع اللى جودتها عاليه جدا ولكن العيب الواضح فى تصميم الايفون هو بروز الكاميرا الخلفيه
السامسونج فيه اطار خفيف حوالين الكاميرا والبصمة وده هيحميها اكيد من اى خدوش ..
 
مقاومه المايه والتراب
معيار مقاومه المايه للسامسونج ip76 و الايفون ip68  ... يعنى ايه ؟ يعنى الاتنين مقاومين للمايه بس السامسونج تقدر تنزل بيه مسافه من متر لمتر ونص لمده نص ساعه انما الايفون مسافه متر واحد بس

iphone-7-pool-tests-water-splash-0071.jpg


الشاشه
حماية الشاشه
الجوريلا 5 هيا طبقه الحماية اللى على شاشه السامسونج انما الايفون مدعوم –بناء على كلام الشركه – بطبقه زجاج مقاوم للخدوش
حجم الشاشه
شاشة الايفون نفس شاشه السامسونج  اس 9 وهو 5.8 بوصه , انما السامسونج اس 9 بلس اكبر شويه بحجم 6.2 بوصه وبالنسبه لكثابة البكسلات فى السامسونج 529 انما فى الايفون 485 بكسل

نظام التشغيل
السامسونج اس 9 بلس اصدار اندرويد اوريو 8 انما الايفون اصدار ios 11 وعلى الرغم ان فيه ناس كتير بتشتكى من نظام الايفون الاخير بسبب كتره مشاكله وعيوبه بس التحديثات كتير من ايفون عشان يعالجوها

البروسيسور والرام
السامسونج اس 9بلس بيجى بروسيسور845 snapdragon –  والرام 6 جيجا   انما الايفون نازل بالبروسيسور a11 bionic  والرام 3 جيجا

screen-shot-2018-02-28-at-10-11-24-pm-copy.jpg


الكاميرا
بالنسبه للكاميرا الخلفيه  الايفون والسامسونج فيه عدستين كل واحده 12 ميجا بكسيل
انما الكاميرا الأمامية فى السامسونج 8 ميجا بكسيل والايفون 7 ميجا بكسيل
ومعظم المتخصصين بينحازو شويه لكاميرا السامسونج بسبب ثبات الصوره فى الفيديو والصوت كمان افضل من الايفون
المساحه الداخليه
الايفون 64 جيجا او 256 جيجا
انما السامسونج فعندك اختيار بين 64 او 128 او 256 جيجا


السعر
سعر السامسونج اس 9بلس 64 جيجا 16.500 جنيه
وسعر الايفون اكس  64 جيجا 20.000 جنيه


شارك هذا المقال: