عودة الويندوز بشكل جديد

عمرو موسى

بعد أكتر من عشر شهور من الإعلان عن Windows 10 تم أخيرًا إطلاقه رسميًا يوم 29 يوليو، Windows 10 هوا أجدد نسخة من شركة Microsoft بعد Windows 8.1 اللي نزل من أكتر من سنتين وهو مش Windows  للكمبيوتر بس هوا كمان للتابلت والموبايل، بس النسخة الأهم اللي نزلت واللي هنتكلم عنها النهارده هي نسخة الكمبيوتر.

سؤال ممكن يكون في دماغك وانت بتقرا دلوقتي هو ليه اسمه مش Windows 9  واللي بالفعل كذا حد سأله ده علي مدار العشر شهور وماكنش فيه إجابة واضحة من Microsoft ليبقي سر من أسرارهم، أو أقرب سبب هو إن اسم Windows 10 قوي أكتر من Windows 9 ويقدر يخدم المميزات الجديدة في الدعاية للنسخة.

Windows 10 فيه تجديدات وتحسينات كتير، من أهمها؛ رجوع Menu Start بعد اعتراض ممستخدمين كتير علي اختفاءها في Windows 8 أو رجوعها في 8.1 بس علي شكل Design Metro

Menu Start بترجع تاني بس بشكل جديد مع بعض التحسينات اللي خليتها مرنة جدًا وبتسمح لك إنك تحط أو تشيل منها أي حاجة انت عايزها 

Start-Menu.png

كمان تم إضافة خيار Search في ال Taskbar اللي بيقوم  بالبحث الأول في ملفات الكمبيوتر ولو مالقاش حاجة بيتيح ليك الخيار إنك تدوّر على الإنترنت

آخر حاجة جديدة في ال Taskbar هو زرار Task View اللي يتيح ليك التحكم والتنقل بين أكتر من Tab مفتوح بسرعة، كمان فيه ميزة Desktops Multiple اللي هتساعد كتير في تنظيم الـTabs في مجموعات مختلفة

Tabs.png

الـWindows بشكل عام حلو وسلس مايختلفش كتير عن Windows 7 أو Windows 8  بس مع بعض التعديلات الصغيرة اللي حسنت من تجربة الاستخدام على حسب وصفهم  

وأخيرًا أقتنعت Microsoft بفشل Internet Explorer وخروجه عن المنافسة تماما لو قارناه بـ Google Chrome أو Mozilla Firefox أو أي من المتصفحات التانية، Internet Explorer كان كابوس لكل مستخدمي ويندوز لو إتفتح بالغلط لأنه حرفيًا بيشل الجهاز.

explorer-logo.png

قامت Microsoft بتثبيت متصفح Microsoft Edge اللي شكلها جديد تمامًا، أخف وأسرع كتير من Internet Explorer مع وجود معظم ال Extensions المشهورة في Chrome أو Firefox مع وعد المستخدمين بإمكانيات جديدة في التحديثات  

المميز في  Microsoft Edge هو إضافة Cortana وهيا المساعد الصوتي لـMicrosoft أو زي مابيسموه Intelligent Personal Assistant واللي من خلاله بتقدر تدي أوامر صوتية للمتصفح أو للويندز عمومًا

Microsoft حدّثت برامجها اللي بتنزل مثبتة مسبقًا مع الـWindows ومنها Map, Photos, Mail Music، وربطهم كلهم بـ OneDrive اللي من خلاله ممكن  تقدر تيـSync وتشوف الـFiles الخاصة بيك من علي أي جهاز تاني

لو عندك نسخة أصلية من Windows 7, 8 ,8.1 ممكن تعمل Upgrade ببلاش عن طريق اللينك

 http://www.microsoft.com/en-us/windows/windows-10-upgrade


شارك هذا المقال: