لماذا يحب الرجال هياتم ؟

فريق راجل. دوت كوم


الفنانة "هياتم" مثال حي للست اللى بيشوفها كتير من الرجالة المصريين IDOL على الرغم إنها عمرها ما كانت أحلى ست بتطلع على الشاشة ولا أكترهم موهبة ولكن معظم أدوارها حصرتها بس فى إطار الست اللى بتعجب الرجالة وتوقعهم ..وفى النقط دى هنحاول نقولكم ليه الرجالة بتحب هياتم :


كل الممنوع مرغوب
كل راجل فى خياله بيحب يعيش حياة " الدرمغة " اللى هي ببساطة ميبقاش في دماغه اى هم ، ويقضيها هلس ومسخرة و.. " هياتم ".
ولأن ستات كتير ملهاش فى كدة على طول الخط ، والحدود والقواعد والــ " ميصحش " بتبقا كتير فالراجل دايماً بيفضل نوعية " الهياتم " اللى بتعمل أي حاجة مع اى حد فى اى وقت .

hayatem111.jpg


الــ CURVY البلدى
من اهم أنواع الستات اللى بيفضلها رجالة كتيرة الست ال CURVY او بمعنى دارج " المدملكة " المليانة حبتين واللى طلعت موضة دلوقتى رغم إن " هياتم " طول عمرها رائدة هذة المدرسة وفضلت متمسكة بكل حتة شحم ودهون فى جسمها على الرغم من سطوع شمس نجمات فاتنات بأجسام رفيعة وعلى الرغم إنها كانت بتشتغل " راقصة " .. تخيل !


التنازل
الراجل المصري عموماً بيميل أكتر للست " المتنازلة " .. تتنازل عن حقوقها لما يتجوزوا ..متشتغلش ..متروحش لاهلها .. متسافرش لوحدها ... كل دى تنازلات بتحبب الراجل فى الست اللى معاه أكتر وبيعتبرها كدة قال يعنى " دخلت تحت طوعه " ... وأدوار " هياتم " طول عمرها بتجسد الشخصية المتنازلة فى كل شئ او اللى ممكن تتنازل عن أى حاجة .


الكعب العالي
رجالة كتير مبتقدرش تستحمل الكعب العالى لما يرن ويزن على رجولته .. فكرة إن أنثي معينة تكون هى اللى عايزاك تقرب منها فكرة يفضلها كل رجال العالم ...حتى لو كانت بتشتغله!
"هياتم" كانت جاسوسة الأنوثة الطاغية على كل أبطال السينما المصرية اللى عاصروها تقريباً ... مفيش حد وقف قصادها ومحدش سلم منها وكان أشهرهم ..شحاتة أبو كف " نور الشريف ".

hayatem2222.jpg
المهمة المحددة
الرجالة بتحب أوى تكون المهمة بتاعتها محددة ، وياسلام لو الست كمان تعرف كدة وترضي بكدة ... يعنى مش كل العلاقات بتبقا علاقة أبدية من وجهة نظر الراجل ... فيه رجالة بتدخل علاقات لمجرد إحتياج لحظى .. محتاج ست فى حياته – دلوقتى – وبعدين ممكن لا...أو بيدخلوا علاقات لمجرد كسر " الزهق " من شريكته ومش معنى كدة خالص إنه كرهها أو مش عايز يكمل ولكن بيحتاج لحاجة تجدد طاقته ..وفى بعض الاحيان بتحصل " النزوة " اللى بيقولوا عليها ...وغالباً برضو " هياتم " كانت بتلعب الدور ده كتير وعمرها ما اشتكت .


شارك هذا المقال: