نصايح مهمة وانت بتشتري ساعة يد

فريق راجل. دوت كوم

ساعة اليد من أهم الاكسسوارات اللى الراجل لازم يختارها بعناية علشان هي مهمة جداً فى مظهره وشخصيته علشان كدة حبينا نقولكم شوية نصايح بسيطة تتبعها وانت بتختار ساعة جديدة تشتريها :

أولاً : اللون

حلو ان يكون عندك كذا ساعة وطبيعي ان يكون كلهم الوانهم مختلفة ... لما تيجي تضيف ساعة جديدة لساعاتك ممكن تكرر الوان معينة للإطار الخارجي زى الاسود والبني اللى هم ملوك الالوان فى الساعات ... ابعد خالص عن الالوان الزاهية الا فى الساعات الرياضية ودى مش هتستخدمها كتير

swatch-color-code-watch-2.jpg

فخليك فى البني والاسود وخلى التغيير فى درجات اللون نفسه او بيلمع لو الساعه للسهرة وممكن التنويع يكون فى لون العقارب والهيكل الداخلى للساعة .

222.jpg

لو الاطار معدني فضي او ذهبي هيكون اكثر عملية من الاطار الجلد .. لأنه بيليق فى معظم الوقت على الستايل الرسمي والستايل الاقل رسمية والستايل الكاجوال .. بس حاول مع الاطار المعدني تحديدا تجيب ماركة محترمه علشان لو اللون وقع او قشر هتضطر تركن الساعة لأن شكلها هيبقا مش ولابد خالص.

watch-1245791_960_720.jpg

الشكل :

فيه أكتر من شكل لوجه الساعة نفسه او اللى بيطلق عليها باللغة الدارجة ( المينا ) اللى بيكون جواها العقارب .. اختار حجم الاطار المناسب لحجم دراعك .. فيه ساعات اطارها كبير وشكلها حلو جداً لكن لو معصمك رفيع هيكون شكلها وحش جداً ومش لايق ...

unnamed.png

وكمان العكس صحيح لو اخترت ساعة حجمها صغير ومعصمك كبير هيبقا شكلها وحش وزى ساعات البنات كدة ..

الماركة :

134.jpg

فى مصر عموماً قليلين جداً اللى بيفهموا فى الساعات وماركاتها وبيقدروا يفرقوا بين الاصلي والمضروب بمجرد النظر .. واسعار الساعات الاوريجنال حالياً اسعار فلكية .. بس ده ميمنعش ان الساعات الغالية بتفرق بشكل كبير حتى ثقتك بنفسك بتختلف ومع ذلك اوعي تسترخص وتشترى من على الرصيف الساعات اللى بعشرين جنيه ولا خمسين جنيه لمجرد ان شكلها عجبك ... هتاخدها وتشتغل معاك ساعتين وتركنها ..

watches-418240_960_720.jpg

العبرة مش بعدد الساعات اللى عندك ممكن تحوش وتجيب ساعة غالية كويسة او حتى هاى كوبي وتعيش معاك فترة طويلة وتكون مناسبة لمعظم لبسك ... الحاجات دى مفيهاش استرخاص خالص ..


شارك هذا المقال: