دليلك الكامل للإستمتاع بالأجازة فى مطروح !

أحمد صلاح

رمضان خلاص بينتهى وناس كتير مننا بتفكر تروح فين فى اجازه العيد او بعدها فى فتره الصيف اماكن كتير ممكن تيجى فى دماغك زى الساحل او العين السخنه او شرم او الغردقه ... اماكن كتيير .. بس انهارده هنتكلم باستفاضه عن مطروح ..
مرسى مطروح من الاماكن الجميله جدا ده لو عايز تستمع بالبحر الصافى والرمله النقيه ..

2.jpg

ساعات السفر :

تقريبا من القاهره بالكتير 6 ساعات ومن الاسكندريه 3 ساعات

الحجز :

600x449-2x.jpg

مطروح من الاماكن اللى ممكن تروحها من غير ماتحجز لان اغلبها نظام شقق سكنيه مش فنادق بس .. الفنادق عددها قليل وفى الاغلب سعرها عالى من الشقق ممكن يكون الضعف تقريبا .. لو عايز تحجز فندق عليك بمواقع الحجز زى BOOKING و TRIVAGO
انما لو قررت تروح من غير ماتحجز ماتقلقشى اول ماتوصل مع اول سواق تاكسى هتقابله ممكن يدلك على شقق كتير لان معظم سواقين التاكسى هناك سماسره او تنزل وسط البلد او اى مكان عايز تقعد فيه وهتلاقى سماسره كتير جدا

افضل وقت تروح فيه :

روح فى شهر 7 او شهر 8 بلاش قبل كده او بعد كدا لان البلد جوها جميل ولو روحت فى شهور تانيه مش هتستمع بالبحر لان الجو هيكون ساقع سيكا

4.jpg

الاسعار :

الفنادق لو هتقعد فى حاجه فوق 3 نجوم يبقى الاوضه الزوجى هتكون فى حدود 1200-1700 جنيه

وفيه فنادق اقل من 3نجوم بتكون اسعار الاوضه فيها من 500-700 جنيه

22752603.jpg

الشقق بقه على حسب مكانها يعنى لو صف اول على البحر من 500 – 900 جنيه ولو صف تانى يبقى من 300-500 وممكن تاخد حاجه ابعد من اول 200 جنيه ... ميزه الشقه بقه انها بتبقى اوض كتير يعنى ممكن تاخد اسره من 5-6 افراد

افضل مكان تقعد فيه :

منطقه هناك ممتازه اسمها "العوام " وفيها كل حاجه

GettyImages-169268070_full.jpg

احسن شواطىء :

ميزه مطروح ان كل شط فيه مميزات والشواطىء هناك كتير ولازم كل يوم تروحلك شاطى جديد عشان تبقى شوفت كله

بالترتيب كده ," شاطى الابيض " احسن شاطىء بس مشكلته ان بعيد عن وسط البلد بس انقى مايه ورمله ويجى بعديها شاطى " عجيبه "

ولو انت مش بتاع موج ومعاك اطفال يبقى عليك بشاطى " الليدو" او " مطروح العام " او "النخيل "

Marsa-Matrouh-7.jpg

نصايح لازم تاخد بالك منها :

مطروح مش بتاعت يوم صد رد اقل حاجه تروح تقعدلك 5 ايام

لو معاك اطفال ممكن تطلع على السيرك وده هتلاقيه اخر الكورنيش عند فندق المشير احمد بدوى والتذكره ب 45 جنيه

مطروح فيها سينما والتذكره بـ 20 جنيه مستوى السينما مش عالى اوى وكمان زحمه شويتين فى الموسم

لو عايز تاكل جيلاتى عليك بجيلاتى عزه

لو عايز تاكل اكله سمك حلوه هناك فى محلات كتير اسمها "اسماك مجدى " و" ابو العربى" و" حمو التمساح " هتلاقيهم فى شارع اسكندريه

2222.jpg

اسعار الشواطىء مش غاليه اوى يعنى 3 كراسى وشمسيه فى حدود 50 جنيه

لما تجيب لب وسودانى هتلاقى كل المحلات اسمها النصر لان اشهر محمصه هناك اسمها " النصر " هيا دى اللى تشترى منها لبها من الاخر ..

66403.png

واجازه سعيده يابرنس


شارك هذا المقال: