للي مستني Destiny:The Taken King

يوسف وائل

يعني واضح في العنوان:  The Taken King. المرة دي، زي ما تقول كده اللعبة أتشقلبت. أتغيّر تقريبًا كل حاجة فيها وطوّروا جدًا في الجيم پلاي، وجددوا القصة وخلوها محبوكة أكتر وأطول..أسيبكم مع التيزر بس قبل ما أكمِّل: 


بتدور اللعبة حوالين Oryx زعيم الـHives اللي هيبقى في مسيرته للإننقام لأبنه Corta وده اللي أتقتل في الجزء الأول على يد الـGuardians بقيادة Eris Morn، اللي بيحصل إن Oryx هياخد جنس جديد من الكائنات الفضائية اسمه The Taken علشان ياخد بتار ابنه من البني آدمين. 

أولًا، هيبقى فيه سبع crucible maps وplayers vs players modes وهيبقى فيه كمان activity جديدة اسمها Court of Oryx هتلاقيها في الـDreadnaught's Patrol mode

ثانيًا، لأن أهم حاجة في لعبة زي دي، الأسلحة. مع وجود خمس أنواع كائنات فضائية، هيبقى فيه أسلحة خارقة وجديدة، لأن Activision وBungie  مش بس جددوا في الـweapon system والـfiring mood لأ دول عملوا أسلحة جديدة منهم الـSword وده هيبقى له قطع كتير بتتغير حسب كل مهمة. مش بس كده، كمان هيبقى فيه تلاتة strikes جُداد وهيتطوروا تلاتة تانيين كانوا موجودين من الجزء الأول. 

وأخيرًا، Activision وBungie سهلّوا اللعبة وخلوها أقل تعقيدًا يعني مثلًا نظام الـQuest هيديك حاجات زي مهمات تعملها مالهاش علاقة بإنك تضرب وتقتل الأعداء اللي حواليك اللي همّا أصلًا عددهم مهول وقد يكون ما بيخلصش. كمان مابقاش لازم تقعد تدوّر وتلم في ماتيريال علشان تعرف تستخدم سلاح انت أصلًا شاريه ومعاك!


شارك هذا المقال: