التحضير لطلعة الساحل

فريق راجل. دوت كوم

تحضير شنطة الساحل بيبان سهل وبديهي جدًا، بس ساعة التحضير بتقف محتار؛ أخد ده ولا ده؟ طب هحتاجه ولا فاكس؟ 

وبعد ما تحضّر وتسافر، تكتشف هناك إن اللي محتاجه سبته، ومعاك حاجات كتير مش محتاجها، وعلشان كده لخصّنا لك اللي "لازم" يبقى موجود: 

الشنطة تبقى Canvas bag

سيك أوي من المسميات أو الماركات، اللي نقصده إن الشنطة تبقى قماش، بحيث تمط معاك في كل حاجة عايز تحطها، وتبقى صغيرة وخفيفة وعملية لأنك مش مسافر الخليج. 

the-bag.jpg

يبقى معاك Dopp kit

برضه سيبك من المسميات، اللي نقصده يبقى معاك حاجة زي المقلمة كده وتحط فيها: فرشة شعر صغيرة، القصافة، فرشة الحلاقة، فرشة السنان والمعجون، شامبو وشاور چيل، والچيل والبيرفيوم والسبراي، وممكن تاخدها بعد كده معاك على البحر تحط فيها دايمًا الموبايل والساعة والسجاير والولاعة ونضارتك الشمس بدل بهدلتهم في الرمل.

drop-kit.jpg

بنطلون چينز

القانون الأول في تحضير أي شنطة؛ البنطلون الچينز. ولو فاكر إنك مش محتاجه خالص إكمن الدنيا ساحل ورحرحة، بتلاقي نفسك محتاجه برضه. 

jeans.jpg

الـشبـشـب

على الپيسين أو رايح البحر أو هتتغذى بعد البحر أو جوا البيت، هو الشبشب تقريبًا مش بيتلبس غيره في الساحل، فأوعى تنساه وخليك حريص علي إنه يبقى متين وبيستحمل، لأنه لو أتقطع منك وانت معاكش غيره، هتضطر بقى تروح تسترخص لك واحد من الحمام ولا تطلع كارفور أسكندرية والتكديرة دي. 

shebsheb.jpg

كتّر من الـBasic T-shirts

التي شتيرت العادية جدًا السادة، خد منها كل الألوان وتحديدًا الأبيض والأسود، بينفعوا على المايوه الصبح وينفعوا وانت نازل بالليل، و...البنات بتحب شكلهم.

basic-t-shirts.jpg

 قميص احتياطي

لو انت بتحب القمصان، فيبقى كده كده هتاخد كتير منهم، بس لو لأ، خد واحد علشان لو اتعزمت في حتة من اللي بيدفع لها ١٧٠ ألف جنيه علشان تدخل تلاقي حاجة تلبسها ويبقى شكلك شيك أو لو أمك قررت إنك لازم تزور صاحبتها اللي ما شفتهاش بقالها ٢٠ سنة برضه ما تعرّهاش. 

chemise.jpg

 شورتات 

 

خد شورتات كتير ينفع يتخرج بيها، وفيه منهم أشكال وألوان وستايلات كتير..هات اللي يريّحك ويناسب جسمك.

short-sheek.jpg

جزمة كاچوال

جزمة سنيكرز أو كونڤيرس يعني جزمة كاچوال لو أتزنقت ممكن تحتاجها (غالبًا هتحتاجها يوم ما هتحتاج القميص)

sneakers.jpg

وأكيد مش لازم نفكرك إنك محتاج بوكسرز كتير بعدد الأيام (علشان ما تضطرش تغسل) ومحتاج مايوه وفوطة كبيرة، ومحتاج نضارة شمس

مصدر الصور: 

http://www.esquire.com/


شارك هذا المقال: