إزاى ترد على سؤال .. هتاكل إيه بكرة ؟

أحمد صلاح

احنا بنعانى يارجالة فى حياتنا من الاسئلة الـ مالهاش اجابة سواء بقا كانت اسئلة غبية او مالهاش اى اجابة منطقية .. وتحس ان الاسئلة دى بقت بتجرى فى دمنا وبقت اسلوب حياة عندنا ماتعرفشى بقه هل عشان احنا اتربينا عليها او شوفنا الناس بتسألها !!..بس لو قعدت تفكر فى الاسئلة دى فعلا

هاتحس هيا ازاى الناس بتسألها كده !!

وواحد من أسخف الأسئلة دى لو حضرتك راجل متجوز هاتسمعه بشكل يومى زى ما أحمد سعد بيقول فى الاغنية .. انهاردة زى بكرة زى بعده كل يوم ... الا وهو " هتـــاكل ايه بكرة ؟ "

570ce13a890501460461882.jpg

وتلاقى فجأه مراتك بترمى السؤال عليك بنظرات شريرة متقطعة .. وانت تسمع السؤال من هنا وينتابك حالة من القشعريرة وماتبقاش عارف ترد تقول ايه ... وبرضه احنا كرجالة مش عارفين ليه السؤال ده بيعصبنا اوى كده !!

يمكن يكون بيتقال فى اوقات مش كويسة .. مع ان لو قعدت مع نفسك وفكرت ان السؤال اجابته مش صعبة على فكرة بس ارجع واقول ان يمكن الروتين وتكرار السؤال كل يوم هو الـ بيخليك كاره السؤال وبنعتبره سؤال مستفز ..

طيب هانرد على السؤال ده ازاى ؟؟!

الرد المعروف لنا كرجالة هو "هاكل .. اى حاجة " .. وده الرد الـ بيعتبره كل الستات انه رد متسفز وللاسف 90% من الرجالة بيردوا كده .. بس ياريت لو انت عايز تعدى يومك على خير فبلاش الرد ده على الاقل عشان ماترجعش البيت تلاقى الاكل بالمنظر دا 

unnamed.jpg

انما بقا انا ممكن أقولك على كام حاجة كده ممكن تعملها يكون رد للسؤال ده لان واضح ان الموضوع صعب على الستات اوى

الفكرة الاولى

امسك يامعلم ورقة وقلم واكتب فيها كل انواع الأكل الـ انت بتحبه كله وتعلقها على باب التلاجة واول ماتيجى تسألك هتاكل ايه بكره قولها اتفضلى اختارى من المنيو بتاعى الـ على التلاجة زى كده-

unnamed-1-.jpg

الفكرة التانيه

كل واحد مننا بيبقه عنده كام اكله كده هوه حاببهم اوى ولو اكلهم كل يوم مش هيزهق منهم سواء بقه سمك او مكرونات او فتات او او او .. انت اول ماتسمع السؤال هتاكل ايه ؟ .. تقوم راصص الاكل ده وقولها اعملى منه اى حاجه

maxresdefault.jpg

الفكرة التالته

لو الموضوع قافل معاك وراجع من الشغل زهقان انت ممكن تركبها الغلط بشياكة وتقولها

" ماهو انتى لو كنتى مهتمة كنتى عرفتى اجابة السؤال ده لوحدك " .. قال يعنى كده هاتحس انها مقصرة

maxresdefault-2-.jpg

الفكرة الرابعة

انك تقولها هاكل الـ موجود عندك فى التلاجة .. وطبعا هاتقولك زى اية انا عندى كذا وكذا .. ساعتها ريحها بكلمة أه

20151103_105737_1638.jpg

الفكرة الخامسة

وخليها دى اخر الحلول ودى لو مزاجك حلو وتكون فى اول الشهر والمرتب يكون لسه نازل هاترد وتقولها " لا ماتتعبيش نفسك هغديكى بكره انا بره " بس قوليلى انتى بقا .. هتاكلى ايه بكرة ؟ " هع هع هع


شارك هذا المقال: