أغرب " الحاجات " اللى مأمن عليها مشاهير العالم !

أحمد صلاح

انا اعرف اللى بيأمن على عربيته او اللى بيأمن على حياته انما اللى بيأمن على اماكن معينه فى جسمه دى حاجه جديده اول مره اعرفها .. واغلبهم مشاهير أجانب .. زى دول

كريستيانو رونالدو

نجم ريال مدريد وكان جاى من فريق مانشسترعام 2009 مقابل 131 مليون دولار وبيحصل على مرتب 93مليون دولار فى السنه وقيمه فسخ عقده مليار دولار .. بعد كل الارقام دى ايه المانع ان رونالدو يأمن على قدمه بـ144 مليون دولار

article-2658513-1EC2DE1500000578-749_634x465.jpg

دانيال كريج

ممثل الاكشن العظيم وصاحب سلسلة افلام جيمس بوند واللى بيحب يعمل مشاهد الأكشن الخطره بنفسه وعلشان كدا هو مأمن على عضلات جسمه بمبلغ 9.5 مليون دولار

danielcraig-mynewplaidpants1.jpg

امريكا فيريرا

ممثله المسلسل الشهير the ugly betty اللى كان منظر سنانها مثير وكان مهم لاتمام جميع اجزاء المسلسل وعشان كدا كان فيه بوليصه تأمين على سنانها بمبلغ 10 ملايين دولار

gallery-1468231860-america-ferrera.jpg

ديفيد لى روث

العازف والملحن المعروف وكان مهوس حبتين بقصه التأمين كان مأمن على صوابعه عشان من المعروف انه كان بيعزف على 3 الات وهما الهارمونيكا والجيتار والساكسفون ... مش كدا وبس ده كان مأمن كمان على حيواناته المنوية

David-Lee-Roth.jpg

ريتش هال

الكوميديان الامريكى ومقدم البرنامج الساخر ريتش هال , كان مأمن على أغرب انواع التأمين ممكن تشوفها وهو التأمين على روح الفكاهه بمبلغ مليون دولار

r.jpg

مادونا

مغنيه البوب الامريكية المشهورة وكانت من اول المشاهير اللى أمنو على اجزاء من اجسامهم وكانت مأمنه على صدرها بمبلغ 2 مليون دولار

AP_901203059-630x794.jpg

انت بقا قولنا لو هتأمن هتأمن على إيه ياترى ؟


شارك هذا المقال: