إلبس نفس البدلة كل يوم من غير ما حد يلاحظ !

أحمد سامي

بيقولك يا سيدي في سنة 2014 المذيع الاسترالي كارل ستيفانوفيتش أعلن أنه لبس نفس البدلة كل يوم لمدة سنة أثناء اذاعته لنشرة الأخبار, و محدش خد باله ! لذلك لو أنت من المغضوب عليهم و المفروض تلبس بدلة كل يوم في شغلك , هنساعدك ازاي تلبس نفس البدلة كل يوم و في نفس الوقت بشكل ستايلش و من غير ما حد يلاحظ !

arabtoday-2.jpg

1- غيّر لون القميص

تغيير لون القميص هايظهر بدلتك بشكل مختلف , العب كمان في خامة القميص حتي لو نفس اللون لأن خامة القميص بتفرق في شكله حتي لو نفس اللون .

tie-1140460_960_720.jpg

2- غيّر الكرافت

نوّع في ألوان و أشكال الكرافتات بتاعتك , نوّع كمان في خامتها , الكرافت أكتر حاجة بتجذب الانتباه , عشان كده اصرف عليها شوية .

neckties-590476_960_720.jpg

3- البس تيشيرت بدل القميص

دي طريقة كويسة جدا , لو أحيانا شغلك أو المناسبة اللي هتحضرها semi formal .

t-shirt-1261820_960_720.png

4- ليّق بدلتين علي بعض

يعني ممكن بدلتين من نفس اللون لكن بدرجة مختلفة تستخدمهم بين انك تبدل في البنطلون و الجاكت بينهم .

man-871960_960_720.jpg

5- نوّع في ال accessories

الجزمة , الحزام , المنديل .. ألوانهم , خاماتهم بيفرقوا في شكل البدلة و بيدوا انطباع مختلف .

menswear-952833_960_720.jpg

suit-869380_960_720.jpg

و يبقي النصيحة الأهم , لو هتلبس نفس البدلة كل يوم , بننصحك يكون لونها غامق .. كحلي أو أزرق غامق مثلا .. عشان تقدر تلعب في الحاجات اللي فوق براحتك , وكمان ماتستهلكش البدلة بسرعة . 


شارك هذا المقال: