إيحاءات ومخرج عالمي وليلي علوى..خلطة السبكي الجديدة !

فريق راجل. دوت كوم
شارك هذا المقال:


الماء والخضرة والوجه الحسن .. فيلم جديد هيتعرض فى السينمات المصرية ومن إنتاج السبكى ، والظاهر كدة إن السبكية قرروا يجددوا من نوع الخلطة السرية بتاعت أفلامهم ومن بين كل كام فيلم بيدخلوا يعملوا فيلم مختلف ، ولأول مرة من فترة كبيرة نلاقي فيلم يجمع بين كمية نجوم حقيقيين زى

ليلي علوى ومنة شلبي وباسم سمرة وأحمد داوود ومحمد فراج وبيقودهم مخرج ليه إسم كبير جداً فى عالم الإخراج المصري والعالمى زى المخرج يسري نصر الله ..

-.jpg

الخلطة ..

رقاصة وفرح شعبي ومحمود الليثي واى قصة فى الأى كلام وفيلم يتصور فى اسبوع وينزل بكام إفيه وكان الله بالسر عليم ، واهى ملايين بتدخل والإسم الصناعة شغالة ، لكن الخلطة المرة دى زى ماقلنا مختلفة مع الإحتفاظ بوجود الرقاصة والليثي طبعاً ..

gggg.png

ليلي علوى رصيدها فى السينما مؤخراً ميشفعلهاش أبداً وإن كانت بدأت تستعيد شوية من بريقها فى التليفزيون بعد مسلسل رمضان الأخير هى ودافينشي .. ولكن البعض عاب على ليلي رجوعها فى الفيلم ده بشكل لا يليق بيها من خلال الإعلان والجمل والإيحاءات اللى بينها وبين باسم سمرة ..

نفس الإعلان رجع للمشاهدين بدايات منة شلبي وفيلم الساحر بعد ما كانت فترة كبيرة بتعمل أدوار ملهاش علاقة بالجراءة أوى لا فى الكلام ولا التمثيل ولكن جملة صادمة قالتها فى الإعلان رجعت كل مشاهدها الجريئة للأذهان تانى ..

maa5odra.png

أما باسم سمرة فدوره مش مفاجأة خالص بالنسبة للناس لأن تقريباً قليل لما بيخرج عن الدور ده ، ومع يسري نصر الله تحديداً اللى باسم بيعتبر بطله المفضل من أول فيلم لباسم اخراج يسري نصر الله وهو فيلم "مرسيدس " واللى كان طالع فيه بدور متحرش واتوالت بعد كدة الاعمال المشتركة

بينهم"المدينة" (1999)، و"باب الشمس - العودة والرحيل" (2004)، و"جنينة الأسماك" (2008)، و"بعد الموقعة" (2012) وحالياً الماء والخضرة والوجه الحسن !

_640x_81ee4fba21d20c7ac4f3fe283827ca431f35a09b6cefc956ff80714b2ab70c93.jpg

الفيلم ده بدأ يرجع تانى الكلام عن مايسمي بالسينما النظيفة ، اللى بيدعوا ليها البعض من غير خدش للحياء او وجود تعبيرات ومشاهد غير لائقة ، واللى بيرد عليها صناع العمل بإن الفيلم للكبار فقط ..


رأيك إيه ؟ تحب الأفلام دى تطلع وتستمر لو فيها جودة سينمائية حقيقية ؟ ولا إنت من أنصار السينما النظيفة ؟