الأسود والأبيض لازالوا ملوك الألوان

فريق راجل. دوت كوم

الموضوع هو: القمصان. 

الموضوع تحديدًا هو: أختيار لون القميص.

بيقول لك في بلاد برا عملوا حاجة أشبه بدراسة سريعة وسألوا كذا خبير عن إيه أفضل لون قميص ممكن راجل يلبسه، وأجمعت الآراء بالأغلبية على إن الأسود هو الاختيار الأمثل في كل السيناريوهات وإن اللون البرتقاني هو أبشع لون قميص ممكن أي راجل يقرر يلبسه والستات بتنفر منه وهو لون مستفز للعين وغير مريح بالمرة، يليه على طول في الوحاشة هو اللون البني لأنه بلا هوية تمامًا (ركز شوية كده، هتلاقي فعلًا نفسك ما بتشوفش حواليك قمصان لونها بني كتير)

Orange-shirt.jpg

عمومًا الرجالة مش زي الستات في الحتة دي، يعني ألوننا دايمًا ثابتة مش بنحاول نغيّر كتير االعادة دي مفيدة لموضوعنا ده لأن فعليًا اختيارك للأسود والأبيض يعتبر أختيار سليم في كل المناسبات تقريبًا (يعني ممكن تعلق عليهم براحتك عادي)

White-and-black-shirts.jpg

لأن الأسود بيدراري عيوب الجسم وينفع تروح بيه عزا أو فرح أو جنازة أو عيد ميلاد، عمر ما بيبقى لون مش مناسب. الأبيض لون مريح للعين وبيدّي إحساس بالراحة للي قدامك. 


شارك هذا المقال: