شكلك أكلك .. كُل وظَّبط من غير ما تلهلط

فريق راجل. دوت كوم


الأكل من أهم الحجات اللى كل الناس لازم تكون عارفة تعملها صح إزاى ، علشان منلاقيش نفسنا بين يوم وليلة بنعانى من تقل الوزن والشكل المش مظبوط والكرش والأرداف وخلافه من الكلكعة .. وإحنا كمصريين تحديداً معندناش اى عادات صحية فى الأكل ، كل عوايدنا وسلو بلدنا فى الأكل غلط وبيؤدى إلى نتايج مش ولا بد .. وده السبب اللى خلى مجموعة شباب مبدعين مصريين يعملوا قناة على موقع YouTube  تحت إسم  " شكلك أكلك " بيحاولوا من خلالها بطريقة بسيطة وجذابة يفهمونا ناكل إيه وإزاى .. واول حلقتين من البرنامج اتشافوا بشكل كويس وكان فيهم معلومات مهمة جداً ..



فى الحلقة الأولى إتكلموا عن مفاهيم غذائية مهمة زي نظرية " الهرم الغذائي " اللى غايبة عننا كلنا وإزاى نقدر نعمل نظام أكل كويس يشبعنا ويفيدنا وميزودش وزننا ، والجميل ان الحلقة طول الوقت بتدينا معلومات ونسب علمية  بطريقة بسيطة ...



فى الحلقة التانية بدأوا يدخلوا فى معلومات أكثر اهمية ، ونصايح مهمة لازم تكون عارفها وانت بتشتري أى منتج غذائي وقراءة مهمة للكلام اللى موجود على العلبة واللى بنكتشف إننا مكناش نعرف عنها اى حاجة ...



مستنيين الحلقات اللى جاية ، ومستنيين نعرف حجات مهمة مكناش نعرفها علشان أكلنا ميأثرش على شكلنا ..


شارك هذا المقال: