أنا شهيرة .. أنا الخائن .. أهلاً وسهلاً

فريق راجل. دوت كوم


من كام يوم بدأ عرض مسلسل جديد فى غير السباق الرمضانى ودى الظاهرة اللى انترت جداً السنة دى على القنوات المصرية وبدأت بمسلسل سابع جار اللى اتعرض على قناة cbc أواخر 2017 وبيتعرض حالياً الجزء التانى منه بعد نجاحه الكبير ..
وكان بالتزامن معاه مسلسل الطوفان اللى برضو حقق نجاح كبير جداً من خلال عرضه على شاشة DMC وواضح ان القناتين دول بدأوا التنافس بدرى بدرى قبل رمضان بشهور ..

SHDHS3.jpg

القناتين دلوقتى بيعرضو فى نفس التوقيتات مسلسلين جداد هما أبو العروسة على DMC وده بدأ من شهر وشوية وشادد الناس جداً خاصة قصة الحب الخيالية بين البطل والبطلة الشباب وفيديوهاتهم مغرقة السوشال ميديا ..
أما CBC فداخلة السبق ده بمسلسل جديد أول مرة يتعرض على القنوات المفتوحة وهو مسلسل ( أنا شهيرة .. أنا الخائن ) وهو مسلسل من جزئين بيحكى أبطاله القصة من وجهة نظرهم .. أولها ( أنا شهيرة ) وبتتكلم فيه ياسمين رئيس علي لسان شهيرة والجزء التانى ( أنا الخائن ) واللى بيتكلم فيه أحمد فهمى عن نفس الأحداث ولكن بطريقته الخاصة وهنا بيظهر التباين ..

27973054_834896663363119_6767821388621739917_n.jpg

المنتجين كانوا بيخافوا جداً من الموسم ده خاصة مع عرض برامج المسابقات ومسرح مصر وبرامج التوك شو ولكن السوق أثبت تعطشه الكبير للدراما فى الشهور العادية ولأن البرامج والمسابقات شبه راحت عليها خلاص ومبقتش بتحظي بنفس نسب المشاهدة ..

قولنا إنت متابع مسلسل إيه ؟


شارك هذا المقال: