هل فتح آسر ياسين ( شَّخارة ) السينما المصرية ؟

فريق راجل. دوت كوم


فوجئ الجميع منذ أيام قليلة بتسريب فيلم 18 يوم الممنوع من العرض فى مصر منذ فترة بعد ثورة يناير على مواقع الإنترنت المختلفة ، الفيلم حظى بنسبة مشاهدة عالية جداً فى اول ساعات تسريبه لأن كل الناس كانت متشوقة ليه بشكل كبير خصوصاً انه بيشارك فيه مجموعة كبيرة من النجوم ...

_315x420_88274f7ade8c1818b29fcdd46abbd0b9530b3f4af9e96f91f34098b3308ecad8.jpg

ومع إنتشاره بدا الناس تتكلم عن الألفاظ الخادشة للحياء الموجودة فى بعض مشاهد الفيلم وأبرزها مشهد تعذيب باسم سمرة وإياد نصار لعمرو واكد واللى كان مليان ألفاظ أول مرة تتقال بشكل فج فى السينما المصرية بالإضافة لقصة كان بطلها آسر ياسين اللى قال بعض الالفاظ برضو ولكن مصحوبة بــ شَّخرة إعتراضية زعلت منه جمهوره وده اللى خلاه يرد ويكتب الكلام ده :

A post shared by Asser Yassin (@asser_yassin) on

الحقيقة سواء كنت متفق أو مختلف مع كلام آسر أو صناع الفيلم فمحدش ينكر إن الالفظ دى بقت موجودة فى الشارع ليل نهار والكل يعرفها ولكن براءة اختراع الالفاظ دى واستخدامها فى الافلام العربي كانت لفيلم 18 يوم إلا بس ( الشخرة ) ...وبالمناسبة الشخرة فى معجم اللغة العربية هى صوت مُشابِه لصوت الشَّخير للتعبير عن السُّخرية والازدراء .. ولكن سبق آسر العديد من الفنانين اللى استعملوا الصوت ده فة تمثيلهم وهم :

خالد النبوى :

عملها فى فيلم الديلر فى أحد المشاهد

محمد رمضان :

عملها فى فيلم قلب الأسد ونال وقتها انتقادات واسعة جداً هددت بوقف الفيلم

أحمد زكى :

عملها فى فيلم ضد الحكومة

اما أفلام يوسف شاهين فكانت بمثابة ( شخارة بالكهربا ) على رأى هانى رمزى فى فيلم محامى خلع وكان ليه نصيب الأسد مع الممثلين نور الشريف وعزت العلايلي وهو كمان بنفسه عملها :

نور الشريف عملها فى حدوتة مصرية

عزت العلايلي عملها فى اسكندرية ليه

يوسف شاهين عملها فى اسكندرية كمان وكمان

تفتكر بعد إنتشار الفيلم هيفتح باب للألفاظ والحركات الخارجة للإنتشار ولا هو مجرد فيلم وخلاص؟


شارك هذا المقال: