جلاكسي إس 7 و إس 7 إيدچ .. " خيبة أمل " جديدة من سامسونج

عمرو موسى

أعلنت سامسونج بشكل رسمي عن أحدث موبايل في سلسة جلاكسي S7/S7 Edge, في العادي كان بيتم الإعلان عن الموبايل الجديد في شهر ابريل من كل سنة لكن السنادي سامسونج قررت تعلن عنه بدري, وبعد أقل من 10 شهور بس من الإعلان عن جلاكسي   S6/ S6 Edge..

ودي أهم المميزات الجديدة


بالنسبة لتصميم الجهاز يعتبر نفس تصميم S6/S6 Edge مع تغييرات خفيفة, مكنش متوقع إنه يحصل تغيير جامد في التصميم لإن التغيير بين S6 و S5كان كبير في التصميم والخامات المستخدمة
بالنسبة للحجم ل S7 حجم الشاشة 5.1 بوصة زي S6. لكن بالنسبة ل S7 Edge سامسونج قررت تكبره شوية وحجم الشاشة بقي 5.5 بوصة, الشاشتين Super AMOLED بوضوح Quad HD
بالنسبة للأداء بيجي الجهازين ببروسيسور Snapdragon 820 أو Exynos 8890 علي حسب البلد اللي هتشتري منها الجهاز, الإتنين يعتبر بيقدموا نفس الأداء اللي علي حسب كلام سامسونج هو أقوي %30 من أداء بروسيسور S6 و S6 Edge مع رامات 4 جيجابايت, بالنسبالي دي أهم إضافة في الجهاز تفرقه عن S6 اللي كان 3 جيجابايت

S7invite-970-80.jpg


بالنسبة للكاميرا في S7 فيه كاميرا أمامية بدقة 12 ميجابيكسل, في S6 كانت 16 ميجابيكسل, فيه ناس هتستغرب ليه سامسونج عملت كده وقللت الكاميرا, بس في الحقيقة هي مقللتش الكاميرا ولا حاجة, جودة الصور بتعتمد علي حاجات كتير غير عدد الميجابيكسل, من الحاجات دي هي مستشعرات الضوء اللي سامسونج قررت تركز عليها أكتر عشان تحسن من جودة الصور خصوصا في الضوء المخفض, أما بالنسبة للكاميرا الأمامية هيا نفس كاميرا ال S6 بدقة 5 ميجابيكسل
الجهاز ضد المياة, بيدعم استخدام ال SD Card, ودول يعتبروا مميزات جديدة في الجهاز مش موجودين في ال S6, مع تحسن واضح في سعة البطارية  
الجهاز يعتبر خيبة أمل لكتير من الناس لإنه يعتبر نسخة معدلة من S6 ومفيهوش الحاجة اللي تميزه كفاية عنه, أعتقد دي أقل نقلة حصلت في أجهزة جلاكسي من فترة, من أول S3 وكل سنة كان بيبقى فيه تغيير ملحوظ في الجهاز اللي بعده سواء كان S5, S4 أو S6, بس معظم النقاد مش شايفين إن النقلة دي حصلت المرادي

CZ6lKoiWAAEnG2i.jpg


الجهاز شكله حلو, مميزاته هايلة ويعتبر إختيار هايل لو عايز تشتري موبايل جديد إلا في حالة واحدة بس, لو معاك s6 !


شارك هذا المقال: