هتتفرج على " الشيخة سما " فى رمضان ؟

أحمد صلاح

فاكرين من سنه كدا تقريبا بالظبط وقبل رمضان اللى فات شوفنا نفس الخبر ده " ان الراقصه سما المصرى قررت تعمل برنامج دينى " وكان المفترض انه هيتذاع فى رمضان السنه اللى فاتت وبمجرد ما الخبر اتنقل على مواقع التواصل الاجتماعى وشافت هجوم شرس عليها من الازهر والاعلاميين

وكل الناس تقريبا .. ان ازاى سما بعد كل كليباتها المعروفه لكل الشباب انها تعمل برنامج دينى ..


وعلى الرغم ان وقتها سما طلعت على الميديا ووضحت انها مش هتكون واعظه فى البرنامج  وهتكون مجرد بس مذيعه هتقدم مشكلات عن عقوق الابناء وهتجيب ضيف من الازهر فى كل حلقه الا وان البرنامج مااكتملش وكان واضح انها اتنازلت عن الفكره ..

من كام يوم بقه واذ فجأه لقينا تتر لبرنامج سما المصرى الدينى فى رمضان السنه دى باسم " اهل العلم "

يعنى سما مصممه انها هاتعمل برنامج يعنى هتعمل برنامج ...


وحتى الان البرنامج هو مجرد تتر بس ومش معروف اهنى قناه ممكن تشترى برنامج زى دا , وطبعا زى السنه اللى فاتت شوفنا اكتر من محامى رافع دعوى على سما المصرى عشان يوقفوا البرنامج فى اسرع وقت ..


تفتكروا برنامج زى دا ممكن يكمل ونشوفه فعلا ؟؟!


شارك هذا المقال: