صالونات و لا عن حب ؟

مروان حازم

كلنا عشنا او عايشين او هنعيش المرحلة دى، طيب اكيد كلنا فكرنا فيها و سالنا نفسنا بدل المرة الف هل نتجوز صالونات و لا عن حب؟

الموضوع مش بالبساطة دى لان فى شوية حاجات كدة بتخليك تقرر قرار زى دة.

اولا: السن:

age.jpg

لو انت لسة شاب من 22 لحد 35 فا موضوع صالونات دة بضايقك شوية ..

بتبقى حاسس انك بتتكروت و بتتدبس و فى بعض الحالات بينجح و بعضها بيفشل تماما ودة لانك عايز تعرف شخصية اللى انت هتشاركها حياتك من غير تدخل الاهل و من غير ان الموضوع ما يكون مدبر يعنى عايز الطبيعة تبان فا عشان كدة فى السن دة نصيحة متدخلش فى الصالونات اوى و لكن وصى اصحابك انك عايز تتجوز و خلى الموضع كاجوال جدا يعنى من الاخر انتشر عشان تبان و تبدا ينتج نتيجة انتشارك دة علاقات تبين البنات اللى حواليك اما لو اكبر من كدة فا خليك فى الصالونات عشان متحرجش نفسك مع بنات صغيرة و تعرض نفسك للرفض الجرئ (البنات مبقاش يفرق معها بتصد فى الوش على طول)

ثانيا: الماديات:

money.jpg

طبعا دة عنصر مهم جدا فى اى جوازة، طيب ايه حواره هنا
لو انت مستعد استعداد تام و جاهز لاى طلبات يبقى ممكن تدى للصالونات فرصة لانك مش هتبقى عرضة للرفض من اول مرة هيدوك فرصة تثبت نفسك ليهم و بعد كدة يا يوافقوا و يكملوا يا هيزحلقوك. طيب لو مش مستعد اوى يبقى لازم تحبلك حبة مش عشان تضحك عليها و لا حاجة لا سمح الله و لكن عشان لما هى هتحبك هتقدر ظروفك اكتر و هتفهمك اكتر و انت لازم برضه تحسن من نفسك و تحاول على قد ما تقدر انك تبين انك شاريها و دة مش بالهدايا و الكلام لايعنى كل فكرك يبقى انك توفر متطلبات الجوازة دى عشان تتم و عشان لما تروح تتقدم ما تاخدش الصابونة و انت نازل.

ثالثا: الشكل:

woman-makeup-beauty-lipstick.jpg

كلنا شفنا الفيديوهات الى منتشرة على النت والبلاوى اللى بيعملوها عشان يغيروا شكلهم و يلعبوا فى وشهم بالالوان و الميكياج و هنا بقى ساعتها هقولك صالونات وش لانك هتحتاج رأى ثقة و يكون شاف من غير الوان و فى الغالب المصدر بيبقى ست من العيلة و متقبلش باى مصدر تانى و برضه احتاط كدة و خلى بالك عشان ساعات العيلة بتبقى عايزة تخلص اكتر ما هى عايزة مصلحتك. وخد بالك عشان متفاجأش انك متجوز واحد صاحبك مثلا.

رابعا:الشخصية:

strong-woman-e1462117560816.jpg

و دى عمرها و خدها منى ثقة عمرها ما هتبان لو صالونات لان من الاخر الطرفين بيبقوا عايزين يظهروا احسن ما فيهم لانهم من الاخر عايزين يعجبوا فا فى الغالب كلوا بيبقى تمثيل على نفخة كدابة و بتضرب فى وشك بعد كدة و لكن الحب الى فى اوله بيبقى من غير مصلحة او مفيش اتفاق على جواز ممكن يبان منها شوية حاجات كدة توضح هى شخصيتها ايه و كام خناقة هتبين الاصل و زى ما بيقولوا على الاصل دور.

طيب نصيحة اخيرة ..

couple-autumn-walking-behind.jpg
لو قررت صالونات يبقى تركز فى كام حاجة قبل ما تلبس دبل و تلبس فى الحيط، لازم قبل اى كلام جد تدخل البيت و تشوف الاهل بيتعاملوا ازاى مع بعض و تشوف الام بتعامل الاب ازاى و دة مش بيجي من مرة لا دة كذا زيارة على كام عزومة و دة هيبينلك تعاملها معاك فى المستقبل هيبقى عامل ازاى و اللى يقولك انت بتتجوز البنت انت مالك و مال اهلها اديله على دماغه و اقطع معاه لان اهلها هما اللى ربوها يعنى طباعها من طباعهم لو امها بترن ابوها على دماغه يبقى هتاخد على دماغك قدام يا باشا و لو بقى قررت تحب و تتحب يبقى بنا معاك على اللى انت داخل عليه و خد بالك لا يكون فخ و يغفلوك.


شارك هذا المقال: