صلاح .. (راجل) 2017

أحمد سامي

في نهاية كل سنة بندور عن شخصيات بارزة .. بزغ نجمها خلال السنة , عشان نعرف أسباب بروزها,فيهم الناجحين الملهمين، و فيهم الفشلة الملهمين برده .. أصل أحيانا الفشل بيكون ملهم أكتر من النجاح..وعلى مدى 2017 برز العديد من الشخصيات كقدوة للنجاح أو الفشل. عشان كده قررنا نرشحلكم شخصية العام في النجاح .. وانتوا ترشحولنا شخصية العام سواء في النجاح أو الفشل ...

شخصية 2017 بدأت طريق نجاحها ب 25 جنيه فقط .. لغاية ما ارتفعت قيمته في بورصة الناجحين لأكتر من 40 مليون يورو ..

pri_55937539.jpg

محمد صلاح اللي 2017 شهدت تألقه مع فريقه ليفربول بشكل كبير، وحقق حاجات محققهاش لاعبي الفريق من 31 سنة، رفع صلاح رصيده ل 21 هدف مع ليفربول في كل البطولات ، وأصبح أول لاعب في تاريخ النادي يسجل 20 هدف في الموسم قبل بداية العام الجديد من أيام اين راش الهداف التاريخي لليفربول، في موسم 1986-1987.

ملخص مسيرة صلاح في 2017 في ردة في مباراة مصر والكونغو، واللي أهلت المنتخب المصري إلى كأس العالم بعد غياب 28 عام، بعد ما قاد كتيبة المنتخب للفوز بعد احباط التعادل في الدقيقة 87 !

nintchdbpict000369153298.jpg

صلاح أصبح قصة كفاح شبابية استفاد منها الجميع, اللاعيبة كلها بتتخذ من مسيرته قصة ملهمة ممكن توصلهم للعالمية في يوم ، والشباب شايفينه قدوة تستحق الاقتداء، وسبب لمتابعة الدوري الإنجليزي، حتي الدولة ممثلة في ادارتها بترّوج للنموذج الناجح ده من خلال اعلامها .. لغاية الشركات الكبيرة اللي أعلنت مؤخرا ان صلاح هايكون وجهها الاعلاني خلال 2018. وكل ده بدأ في نادي المقاولين العرب بـ 25 جنيه مكافأة فقط.

يا تري مين من وجهة نظرك شخصية العام في 2018 ؟


شارك هذا المقال: