نصيحة من ست : تعمل إية لو مش طايق أنتيماتها

دينا حشيش

من أكبر المشاكل اللي ممكن تقابل أى شاب بيحب جديد هى إكتشاف إن صاحبات حبيبته كُبب.

مهما الرجل وزع ابتسامات في الخروجه، عزم صاحبات حبيبته علي العشاء أو عمل لذيذ علي جروب الشله على الواطس آب، حبيبته وصاحبتها بيهرشوه من أول يوم.

ولو فاكر إن مش مهم صاحباتها يحبوك أؤكد لك إن نهاية علاقتك قربت ، زي ما الرجل بيعشق قعدة الشله وبيحس إن دة الكومفورت زون بتاعه اللي يقدر يقول فيه أى حاجة، البنت عادي جدا إنها تهتم إن كل اللي حواليها يحبوك ويبقوا شايفينك ماحصلتش. بس مجرد ما هيببدأوا يقلبوا عليك،

هتحس إن كان لازم تعمل ال ٦حاجات دول:

سرك في بير

إياك تقولها حاجه، لأن البنات دي هتفضل في حياتها. اعترافك إنك شايف أقرب وأهم واحدة في حياتها بوما هينكد عليها، وصدقني النكد مش هيطلع على حد غيرك. من أسئلة عن سبب كرهك ليهم، لمبررات لا تنتهي هما ليه أجمل ناس في الدنيا، مش هتوصل معاها لحاجة غير تنشنه في كل نزوله. وعلى إيه؟

143035329213.png

خد مهدىء

مش قادر تستحمل صوت ضحكهم العالي؟ مش طايق تشوفهم بيعملوا رقصة فرح جماعيه فاشله؟ مبتحبش تتكلم على تخفيضات زارا؟ مش هاقولك غير كلمه واحده: مهدىء. سجاير بقي، شوكولاته، فاليوم، ماتستخسرش في نفسيتك حاجه وإنت نازل تقابلهم.

tumblr_m8wmcbVx2z1rztnb3o1_500.gif

جهز مواضيع

مؤكد مش هتلاقي حاجه تقولها لو مش طايق اللي قدامك، وعلشان إحنا عايزينك تتصرف كمحترف، كشكولك وقلمك في إيدك و تكتب قائمة مواضيع ممكن تتناقش فيها مع أنتيماتها من غير ما ضغطك يعلي.
يعني مثلا عايز تتكلم في الكورة، إدخل دور على جوجل مين أكتر لاعب البنات بتحبه و إبدأ الحوار بإسمه، نفسك تتكلم على السياحة، دخلتك تبقى قد ايه نفسك الرجاله تبطل معاكسه في السائحات وهكذا.

elayal-kebrt.jpg

إسمع للصبح

الموضوع بسيط. البنات بتحب تتسمع. كل اللي عليك تعمله تفتح موضوع من القائمه بتاعتك وقدامك نص ساعه علي الاقل وهى بتفضفض. إبتسامه خفيفه، هز رأسك كأنك مهتم أو حتى سامعها وكلها ساعه كمان وتروح.

425e6ebaf944cdca29725d52365eb0c8.jpg

حببها في شلتك
خلينا واقعيين. الفسح مهمه. الانبساط بيطول العلاقات. العلاقة بتقلب ملل بعد شويه، فلازم يبقى دايما فى صحاب تغيروا معاهم جو. الحل البديل الوحيد اللي قدامك انك تحببها في اصحابك وقعدتهم وكل ماتقولك يلا نقابل صحباتي، تقولها على خروجه أجمد مع صحابك.

hqdefault.jpg

أصبر تاخد حاجه حلوه
استحمل و إسترجل و اوعي في يوم تتلخبط وتقولها انك بتكرهم. الصحاب بيبقوا مهمين في الاول أكتر، بعد كده النزولات بتقل والاحتكاك بيهم بيقل والواحد خلقه بيوسع و ضرر مقابلتهم علي نفسيتك أهدى. حياتك هتبقى أحلى كتير لو البنت مبسوطه، وإنت وشطارتك بقى.


شارك هذا المقال: