ليه الصعيدي أجدع راجل فى مصر ؟

أحمد رحال


مصر دولة كبيرة بتضمن رجالة أشكال و ألوان في رجالة المدن زي القاهرة والأسكندرية و مدن القناة و في رجالة الواحات زي البحرية و سيوة و رجالة الصحراء والبدو زي سيناء و رجالة الدلتا الفلاحين و رجالة النوبة , بس مع كل التنوع دا بيظل رجالة الصعيد مميزين و معروفين من اللكنة وطريقة الكلام و الصفات الأصلية اللي لما بتلاقيها بتقول دا راجل صعيدي جدع !

unnamed-3-.jpg

النزاهة عنوان الراجل الصعيدي

unnamed.png

الراجل الصعيدي نزيه في كل أحواله فهو راجل بيهتم بمظهره وله طله نزيهة خاصة في الأفراح و المناسبات و الواجبات الأجتماعية فتلاقي الجلابية و العمه تمام و الدقن محلوقة و ريحة الكالونيا مهفهفة , وكذلك في التعامل فالراجل الصعيدي نزيه فى التعامل يعني ماينفعش تبقى قاعد معاه في قهوة و تحاسب أنت لأنه لو حصل ببيعتبرها شتيمة فى حقه !

كلمته واحدة زي العقد

unnamed.jpg

كلمة الصعيدي عقد موثق فهو ملتزم بكل كلمة بيقولها و مايرجعش فيها حتى لو فيها ضرر له و بعتبر اللي بيرجع فى كلامه مش راجل تمام و عشان كدا التعامل مع الصعايدة مريح جداً و كله ثقة ومافهوش قلق .

بيراعي بيته وأسرته

unnamed-1-.jpg

" الراجل مش بس بكلمته .. الراجل برعايته لبيته وأسرته " كلام الفنان أحمد ماهر بينطبق بالظبط على الراجل الصعيدي فالراجل الصعيد بيهتم بعيلته و صلة القراب و الرحم من المقدسات عنده و مش بيخلى بيته ولا أولادة محتاجين حاجة حتى لو ضغط على نفسه .

قلبه ميت بس طيب

unnamed-2-.jpg

الراجل الصعيدي قلبه ميت ويفوت في الحديد ومافيش حاجة على الأرض تخوفه بس ي نفس الوقت طيب وسمح و بتعامل مع كل الناس بحب لحد ما دماغه تقفل ساعتها بتشوف الوش التاني من الصعيدي .

دمه حامي و عمره مايجي على كرامته

unnamed-4-.jpg

كرامة الراجل الصعيدي وعزة نفسه فوق آي أعتبار ومابيسمحش لحد أنه يدوس عليها وبيتحول في ثانية لشخص مش شايف قدامه و ممكن يعمل مصايب لو حد مس على كرامته وكذلك دمه حامي مش بيرضى بالحال المايل و المشي المش مظبوط عشان كدا أقصر الطرق للصعيدي هي أنك تعامله دغري .

بيحب الهزار و ميتزعلش منه

unnamed-5-.jpg

بالرغم من أن 90% من نكت المصريين عن الصعايدة إلا أن الصعايدة نفسهم مش بيزعلوا منها بالعكس دا تلقيهم بيقولها ويضحكوا عليها ودا بيدل أن الراجل الصعيدي راجل سمح وبيحب الهزار و مايطقش النكد .

new357688.jpg

أظن بعد الصفات دي لازم نقول على الصعايده أنهم أحسن ناس و رجالة تمام ... اللى عاش موقف رجولة مع الصعايدة يقولهولنا 


شارك هذا المقال: