بمناسبة الهالوين ..7 أفلام عايزة راجل بقلب حديد !

أحمد رحال

التحذير واجب فى أول المقال عشان دي فعلاً أفلام صعب حد يشوفها و يكملها للأخر و علي فكرة هي مش أفلام رعب و أشباح و عفاريت و الكلام دا خالص دي أفلام المفروض أنها عادية و لكن تأثيرها على المشاهد ونفسيته صعبة جداً يمكن عشان ممكن الراجل مننا يتعرض لآي موقف منها !

Antichrist - 2009

1.jpg

للمخرج لارس فون ترير تصريح بعد الفيلم أنه أخرج هذا الفيلم وهو مكتئب لذلك ظهر بهذة القسوة فالفيلم يحكي عن رحلة زوجان الى الغابة بعد وفاة أبنهم لأنشغالهم عنه بممارسة الحب و هذة الرحلة تكون كفترة نقاهة للزوجين و محاولة أنقاذ زواجهم  و لكن الزوج يكتشف أن زوجته مريضة نفسية و تقتله أثناء ممارستهم للحب بوضع مفك فى عضوه التناسلي ثم تدفنه فى الغابة , فلو راجل و قلبك جامد أتفرج على الفيلم !

Funny Games  - 2007

4.png

لو خبط على بابك ولد مهذب بيطلب منك بيض عشان الكيك أوعى تفتحله لأن دا اللي حصل فى فيلم " ألعاب ممتعة " وكانت نتيجته مأساوية فبعد دخول ولدين مهذبين للمنزل لطلب البيض تحولا  تماماً الى شخصيات أخرى تقتل و تغتصب الزوجة و تقتل أطفالهم أمام أعينهم فى مشاهد ثقيلة ومؤلمة ولا يرحمك المخرج مايكل هينكه لحظة واحدة فحتى المشهد الذي أختطف فيه الزوج بندقية و أوشك على قتل أحد الولدين قام الولد الآخر بأمساك الريموت و أسترجع المشهد من البداية و أخذ البندقية من الزوج ! 

Requiem for a Dream – 2000

8.png

من أجمل الأفلام اللي تحببك فى المخدرات و لكن فى نصف الفيلم الأول فقط و مع نهاية الفيلم هتكره المخدرات و العيشة و العالم اللي حواليك ! فالمخرج دارين أرنوفيسكس مخرج متمكن و صايع فيخدعك فى أول الفيلم بجمال تأثير المخدرات و خاصة الهيروين و لكن نجح فى الآخر أنه يوريك أثار الأدمان المدمرة النفسية و الجسدية على الأبطال اللي أنت حبتهم وتأكد أنك هتكتئب كام يوم بعد الفيلم دا !

Hannibal – 2001

5.jpg

ديماً أفلام أكلي لحوم البشر بتحتوي على وحوش عشان تأكل لحم البشر بس فى فيلم هانبيل لأ خالص بشر بيأكل بشر بيعملوه سوتيه و مشوي و سلطة عادي جداً فلو مش عند مشكلة أنك تشوف راجل بيشوي مخ راجل تاني وبيأكلهوله فى بقه يبقى أنت راجل بقلب حديد بصحيح !

Irreversible – 2002

6.jpg

فيلم غير مريح على الأطلاق من البداية و المخرج غاسبار نوي بيحطك في موود غير مريح بالموسيقي المزعجة و بعدين تخبط فى مشهد مصنف أنه أعنف مشهد فى تاريخ السينما أغتصاب مونيكا بولوتشي فى نفق ! المخرج قدر يصور المشهد بشكل واقعي يخلي قلبك يتقبض وانت بتتفرج و بعدين بيكمل مع رحلة الأنتقام اللي بيعملها جوزها حتى قتل المغتصب بتفتيت دماغه !

Oldboy – 2003

7.jpg

خدها مني كلمة مافيش أعقد من السيكبة الياباني و فيلم oldboy  للمخرج شان ووك خير دليل على ذلك , فيلم بيدور حول فكرة الأنتقام بأبشع الطرق مش هقولك غير لو هتستحمل تشوف مشهد راجل بيأكل أخطبوط حي أو راجل بيقطع لسانه فأتفرج بقلب جامد يا مان !

 A Clockwork Orange – 1971

3.jpg

سايب للنهاية درة أفلام المخرج ستالي كوبريك اللي بيخليك تتعاطف مع شخص أغتصب زوجة قدام زوجها حتى الموت فتخيل بقى الشخص دا حصل فيه أيه لو عاوز تعرف و قلب جامد أتفرج على  A Clockwork Orange !


شارك هذا المقال: