لما المصريين يقلدو الأجانب ؟ ماتيجو نشوف

أحمد صلاح

كلنا شوفنا من فتره كدا فيديو ترند كان فيه عيله يقال انها لبنانيه بترقص على اغنيه العب يالا

وناس كتير شيرت الفيديو لان فيه فكره جميله من الشاب الى بدأ وهو ماشى على خلفيه الاغنيه وفى الحته اللى فيها رقص يقوم موجه الكاميرا على العيله الرايقه اوى وهما بيرقصوا على " ألعب يالا"

وبم اننا فى مجتمع بيحب التقليد لاى فكره ناجحه موجوده .. يقوم واخدها زى ماهى ودا زى اللى عامله هانى عادل فى رأس السنه مع اصحابه تقليد لنفس فكره الكليب .. بس للأسف نزلت بالشكل دا

اول يوم في السنه @aroundtheworldphotographer #العب_يلا

A post shared by Hany Adel (@hanyadelofficial) on

وده اللى ناس كتير انتقدته لان طلع الفيديو فى النهايه مش بالجمال بتاع الفيديو اللبنانى..

مش عيب انك تقتبس بس لما تيجى تقتبس لفكره او اى حاجه ناجحه لازم تحاول يكون يأاما بجماله ياأما تضيف فكره جديده ولو طلع مش زى النسخه الاصليه يبقى انت كدا بتحرق نفسك ..

أعمال كتير شوفناها فى السينما مقتبسه من اعمال اجنبيه وناجحه وأفضلهم بالنسبالى

فيلم طير انت لأحمد مكى ومأخوذ عن الفيلم الاجنبى Bedazzled

بس الفرق ان البطل فى الفيلم الاجنبى كان واحده بنت مش ولد

وفيلم الحرب العالميه التالته بطوله الثلاثى شيكو وهشام وفهمى وكان مقتبس من عده افلام اهمهم night at the museum

بس طبعا كان بفكره جديده والاقتباس مكنش مطابق وعشان كدا نجح

وفى الايام دى بنشوف تريلر لفيلم جديد لرامز جلال هينزل فى أجازه نص السنه اسمه " رغده متوحشه " اول ماتشوف التريلر وتدقق فى شخصيه البنت اللى عاملها رامز هاتحس ان الشخصيه دى شوفتها قبل كدا ..

وفعلا هى نفس تفاصيل الشخصيه اللى كانت فى الفيلم الامريكى Tootsie

بس برده عشان نحكم على الفيلم لازم نشوفه لان ممكن يكون نازل بفكره مختلفه

اللى عايزين نقوله ان الاقتباس مش عيب بس عشان تقتبس لازم تعرف الناس ان العمل دا مقتبس وحاول تضيف حاجه جديده ولو عايز تقتبس بشكل كامل يبقى لازم تعمل حسابك ان الحاجه اللى هاتعملها دى هتتقارن بالاصل فلازم يكون افضل


شارك هذا المقال: