بطولة قطر للأسكواش 2015

يوسف وائل

قبل ما أبتدي المقال ده، لازم أوضّح مأساة قد نكون أتكلمنا فيها كتير ولكن عمرها ما أتحلت فعليًا. الرياضة عندنا هي الكورة وبس. معروف طبعًا إن الكورة هي اللعبة الشعبية عالميًا ولكن في مصر هي كأنها اللعبة الوحيدة. 

الأسكواش من ضمن الألعاب الرياضية الأخرى اللي مش واخد حقه تمامًا في إلقاء الضوء إعلاميًا عليه وعلى نجومه رغم إن شباب الأسكواش المصري محقق إنجازات ما أتحققش قبل كده والعالم كله ببشهد بده، يعني هل تعلم عزيزي الرجل إن من أول ١٠ في التصنيف العالمي للإسكواش فيه ٥ مصريين. المصنف الأول على العالم هو المصري محمد الشوربجي وإن رامي عاشور هو أول لاعب في تاريخ اللعبة يحصل على بطولة العالم للشباب مرتين 

نيجي للموضوع بتاعتنا؛ تنطلق بطولة قطر كلاسيك النهارده بمشاركة ٧ مصريين وهم: محمد الشوربجي رقم ١، عمر مسعد رقم ٧، طارق مؤمن رقم ٨، مروان الشوربجي رقم ١٠، كريم عبد الجواد رقم ١٢، فارس الدسوقي رقم ١٩، مازن هشام رقم ٢٠ وكان من المفروض يكون من ضمنهم يبقى البطل رامي عاشور ولكن للأسف انسحب بعد إصابة تعرض ليها أمام اللاعب الفرنسي ماثيو كاتسانيه في منتصف نهائي US Open

Qatar-la3eeba.jpg

psaworldtour.com:مصدر الصورة

جايزة البطولة المادية هي ١٥٠ ألف دولار، وبعيدًا عن الجايزة، البطولة دى لها أهمية أكبر بكتير من الجايزة المادية لأنها واحدة من بطولات الـWorld Series ودي للي ما يعرفش بتبقى عدد من البطولات بتتلعب على مدار الموسم كله لحد البطولة النهائية للـWorld Series واللي بتستضفيها سنويًا دبي. 

كل لاعب يأخذ نقط على حسب آدائه و مركزه فى بطولات الـWorld Series وأكتر 8 لاعيبة معاهم نقط بيتأهلوا للبطولة النهائية اللي بتتلعب في دبي. 

بالتوفيق لرجالة الأسكواش اللي مشرفنا دايمًا وإن شاء الله يشرفونا البطولة دي برضه

 


شارك هذا المقال: