6 جمل متقلهمش فى الـ 9 شهور !

دينا حشيش

رجالة كتير رابطة الحمل بالهرمونات الكثيرة، والعصبية، والأكل والتلكيك على الفاضية والمليان. أحب أقولك إنك صح، الموضوع أحيانا بيقلب نكد أكتر من نيللي كريم في مسلسل تحت السيطرة لما قعدت في مشهد تلطم علشان إنتكست..

maxresdefault.jpg

 بس حذاري من الست جمل دول علشان تعيش تجربة التسع شهور في سلام: 

"إنتي هتطلعي هرموناتك عليا؟"

pregnant-971982_960_720.jpg

تأكد إن الهرمونات طالعة عليك وعلى صحابها وزمايلها وأهلها وأهلك، متاخدش الموضوع بطريقة شخصية.

الهرمونات طالعه طالعه، فتقبلها وحبها علشان متنهرش منها بسرعة. أكتر حاجة ممكن تستفز الست الحامل هو لوم مودها على التغييرات الهرمونية، لأن وهى في لحظة الغضب، بتبقى مقتنعة تماما إنها صح، وبصراحة سعات الناس بتستغل موضوع الحمل علشان تحسس الست إنها متجننة وأوفر، فمتحاولش تجيب سيرة الهرمون.

"تخنتي"

Pregnancy-Hormones-and-Mood-Swings.jpg

أيوة تخنت. ماهو مرات صاحبك الأرمانية المصرية جيناتها غير جينات ست الكل المصرية.
الشاسية لة تركيبه هندسية مميزة. صدقني أما أقولك إن الست في الحمل ممكن فجأة تقف على الميزان تلاقي نفسها زادت ٥ كيلو حتى لو عاملة دايت، بذات على أول الشهر الخامس، فإستعد.

أو "إتغذي حبيبتي، إنتي بتاكلي لإتنين"

Mothers.jpg

إحنا أه إتفقنا إن متعايرهاش بتخنها، بس إياك وجملة إنتى بتاكلي لإتنين ده نهايتة وحشة أوي.
لعلمك هى لسة بتاكل لواحد، ومش كدة وبس، دي لازم تنسى الديلفري، والحلويات، والمحمر، لأن دخول الأكل في الحمل مش زي خروجه. شجعها تأكل صحي، وبكميات معقولة. 

"متأفوريش"

796141.jpg

تخيل نفسك هتبقى عامل إزاى لو فيه بنى أدم بينمو جواك وإنت مسؤول عن كل حاجة تحصله؟ لازم هتأفور أما تقترح تروحوا كافية في دخان شيشه، ولازم هتأفور وإنت سايق على ١٤٠ على الدائري، وأكيد في مبالغة في العياط أما تشوف إعلانات حفاضات والأم بتحضن إبنها. عادي، هو ده الحمل.

"عايزاني أنزل دلوقتي؟"

-.jpg

من أغرب الحاجات للي هتواجها هي الوحم. في نص الليل هتقولك إنزل جيبلي برطمان طرشى زي اللي أكلته عند خالتك من ست سنين. إشتري عمرك وإنزل ومتحاولش تقنعها إن أول ماتصحى، هتنزل لأن أما تصحى هى هتبقى عايزة حاجة تانية خالص.


شارك هذا المقال: