إزاى أختار باور بنك مناسب لموبايلى ؟

أحمد صلاح

ناس كتير وهيا رايحه تشترى باور بانك مابتبقاش عارفه تختار اهنى واحد وايه الافضل .. الموضوع مش صعب واحنا هنشرح بالتفصيل ..


اول حاجه لازم تعرفها وانت رايح تشترى الباوربانك ان وحده قياس الباور بانك بالميلى امبير لانه هو زيه زى البطاريه بتاعت الموبايل بتاعك بالظبط هو عباره عن بطاريه وانت بتاخد منها الشحن .. فأول حاجه لازم تعرفها لما تشوف اكتر من من واحد وتقارن مابينهم هيا " هو كام ميلى امبير ؟ "
بس قبل الخطوه دى اعرف انت موبايلك كام ميلى أمبير لان دا الاهم .. لان ممكن يكون موبايلك مثلا 4000 ميلى امبير وتروح تشترى باور بانك 3000 ميلى امبير وترجع لما تجربه تلاقيه مش بيكمل شحنه كامله معاك .. طبيعى لانه اقل من حجم البطاريه بتاعتك فبالتالى بالشكل دا هيشحن لغايه 75 % بس ..


ولو عايز تعرف الباور بانك ده هيشحن موبايلك كام مره 00 بسيطه .. اقسم سعه بطاريه الباوربانك / سعه البطاريه بتاعتك يعنى مثلا لو بطاريتك 3000 ميلى امبير والباوربانك 9000 ميلى امبير يبقى كده 9000/3000 = 3 يبقى هيشحن موبايلك 3 مرات
تعالو نشوف افضل انواع الباور بانك فى السوق

النوع الاول .. xaiomi

سعره مميز250 جنيه تقريبا
بسعه 10 الاف ميلى امبير وحجمه مش كبير .. وفيه منه 20 الف امبير بس سعره غالى 700 جنيه

النوع التانى remax

شركه remax عندها تشكيله كبيره من الباور بانك بس أفضل اتنين
Remax proda 30000mah

30 الف ميلى امبير .. ودى سعه كبيره جدا وممكن شحنته تقعد معاك ايام مش كدا وبس دا فيه مخرجين usb يعنى يشحن موبايلين وفيه كشاف كمان وبيمتاز عن غيره انه فيه شاشه ديجيتال عشان يعرفك فاضل كام وشحنه يخلص
السعر 380 جنيه .. وفيه منه 20الف امبير ب 290 جنيه

Remax proda 10000mah

وده لو عايز حاجه سعرها كويس ب 160 جنيه وبرده 10 الاف ميلى امبير يعنى هيقضى معاك اكتر من شحنتين

النوع التالت hauewi

مش هتلاقيه منتشر لانه مش رخيص اقل سعر فيه الباور بانك الهواوى 485 جنيه وكمان سعته مش كبيره 13 الف ميلى امبير بس طبعا اكير على المدى الطويل مش هتلاحظ ان البطاريه قلت


شارك هذا المقال: