مطربين دخلوا الورق والحسابات فى العلاقات العاطفية !

أحمد رحال

بالرغم أن عالم المحاسبة و الأرقام و الجداول و الفلوس بعيد تماماً عن عالم المشاعر و الأحاسيس المتعلقة بالعلاقات العاطفية بين شخصين إلا أن هناك بعض المطربيات و المطربين لم يفصلوا ما بينهم..
فالعالم الأول عالم واقعي ملموس و مثبت بأرقام على ورق بينما العالم الآخر عاطفي وغير ملموس ويصعب قياسه و لكن المطربيات و المطربين القادمين أستطاعوا أن يمزجوا بين العالمين بشكل غريب !

تعهد أنغام

unnamed.png

في ألبوم أنغام الأخير توجد أغنية بأسم " أكتبلك تعهد " و تبدأ بمقطع " ممكن تسبني أشتري عمري اللي باقي قول بكام ؟! " يعني من البداية واضح أنها بتكلم راجل مش بيقتنع غير بلغة الفلوس ومالوش في حوار المشاعر فهي بتحاول تكلمة بلغة يفهمها لدرجة أنها عشان تطمنه أنها مش هتعرف حد بعده بتعرض عليه أنها تكتبله تعهد !

خانات ذكريات أصالة

unnamed-1-.jpg

من ألبوم أصالة قبل الأخير – عملت ألبوم خليجي مؤخراً - أغنية " خانات الذكريات " هنا بقى أصالة عندها جدول بعد إنتهاء العلاقة و الجدول مليان خانات و كملت الخانات بالشكل دا ( خانة الذكريات : أسمك في المواجع ) ( خانة الملحوظات : الجرح واجع ) ( خانة هنرجع : ماعدش نافع ) !

جرة قلم لطيفة

unnamed-1-.png

في أغنية " كرهتك " للمطربة التونسية لطيفة اللي صورتها فيديو كليب في مصر عند الهرم جاءت كلمتها غريبة جداً و غير مفهوم بعض الشئ فهي أغنية في كره شخص بعد ما وقعت في حبه بعد قصة حب كبيرة كما يبدو ولكن هذة القصة أنتهت بجرة قلم ! جرة قلم يالطيفة تقومي تكرهي الراجل كدا ! طب أزاي و يعني أيه ! تحليلي الوحيد أن الراجل دا جرة القلم دي أمضاء على ورقة الطلاق !

كشف حساب سمية

7hob-com1364774171385.jpg

من فيلم " كشف حساب " غنت المطربة سمية أغنية " الأيام " و هي أغنية عن الدنيا و الأيام اللي ما بتنساش مهما هتقفل باب ورا باب ومش هتسيبك وأكيد هتجيبك بكشف حساب ! فلو عليك حاجة للأيام أدفعها عشان كله مكتوب في كشف حسابك وكله سلف ودين !

أقساط و كمبيلات عبد الباسط حمودة

-.PNG

عبد الباسط حمودة يدهشنا بأغنية عن الحب و الملاغية بكل أشكال البيع والشراء ومن البداية كده أسمها " انا شاري " عبد الباسط هنا مش داخل يهزر أو يتسلى لأ داخل دخلة جد و بالدليل أول مقطع من الأغنية " خد مني قلبي و أدهولك ببلاش وأديني قلبك أشتريه وفلوسي كاش " ! ويكمل " أديني جرام محبة أديك وقية حنان و أديك زيادة حبه توزع على الجيران ! " و يلخص فلسفة الحب بجملة " أصل الشوق أخد و عطى "

قلنا كمان إنت فاكر إيه من الأغانى اللى محتاجة مكتب محامي دي !


شارك هذا المقال: