إيه بيحصل لفانلات اللاعيبة بعد الماتشات ؟

أحمد سامي

من الأسئلة المحيرة اللي بتيجي دايما في بالنا , تيشيرتات لاعيبة الكورة بيحصلها ايه بعد الماتشات !!

الأندية الكبيرة

في الأندية العالمية و الدوريات الكبيرة , الايطالي , الانجليزي و الأسباني , كل لاعب بيبقي ليه 3 أطقم جاهزين قبل كل ماتش , طقم لكل شوط و واحد اضافي لأي ظرف , وانت كالاعب ليك حرية الاختيار تلبس طقم , 2 أو حتي ال 3 .. لكن بيبقي في كل غرفة ملابس واحد مهمته ياخد التيشيرت

من الاعبين بغد الماتش و يغسلها و يكويها و تطلع أحسن من الأول , يعني مش بتترمي ولا حاجة .. و ممكن كل 7 أو 8 ماتشات , التيشيرت بيتم اعدامه أو التخلص منه لو لونه اتغير او حصله اي تلف

1911970_830060047025123_324086084078209176_n-Copy-3-Copy7.jpg


لكن لو التيشيرت لسه كويس , بيتم التبرع بيه للمؤسسات الخيرية كانوع من العمل الخيري , وللأطفال في المؤسسات دي , وحبذا لو عليه امضاء الاعب صاحب التيشيرت .. يعني ببساطة التيشيرت مش بيترمي و خلاص زي ما الناس فاكرة لأن أصلا في الثقافة الغربية فكرة البعزقة دي مش موجودة حتي في المؤسسات الكبيرة !

الأندية المتوسطة

victor-valdes-defendio-porteria-del-barca-durante-doce-temporadas-1418037536247.jpg

في الدوريات الكبيرة الأندية المتوسطة بيبقي فيها النظام صارم أكتر , لدرجة أنه بيكون مش مسموح للاعب أنه يبدل التيشيرت بتاعه مع لاعب من فرقة تانيه غير كل 10 ماتشات مثلا ! والا بيتم تغريمه تمن التيشيرت من مرتبه , وكان في واقعة شهيرة خاصة ب فيكتور فالديز حارس برشلونة السابق لما راح لعب ل فريق مدلزبره في الدوري الانجليزي و بدّل فانلته في نهاية الماتش , و ساعتها الفريق غرّمه 65 يورو تمن التيشييرت , و ياعيني أصيب بالاكتئاب بعد ما كان في برشلونة و يعمل اللي عايزه !


الأندية الفقيرة

73f7dca94d7d4718f2f8699d5f506ca6.JPG

في الأندية اللي تمويلها أقل سواء في الدوريات الكبيرة أو الصغيرة الوضع فيها مختلف , اللاعب يا ولداه بياخد الطقم بتاعه بعد التدريب او الماتش و يغسله و يكويه بنفسه بعد الماتش , و ده مثلا اللي حصل لما بارما أعلن افلاسه و نزل درجة رابعة في ايطاليا !


شارك هذا المقال: