إزاى تشترى برفان مناسب ؟

مروان حازم

البرفان و ما ادراك ما البرفان, دة اهم حاجة بتميز الراجل عن غيره لانه بيبقى ايقونى للراجل و بيخلى الناس تفتكره من ريحته. و لان البرفان ممكن يختلف من جسم للتانى و دة لانه بيتفاعل مع فرمونات الشخص الى بتختلف من شخص للتانى, فا انا هكلمكوا النهاردة على الرفانات و ازاى تشتريها و الكلام دة ينطبق برضه لو هتشتريه هدية مش ليك لوحدك يعنى. اولا لازم نوضح ان مش كل برفان بيليق على كل الناس و دة برضه بيرجع للنقطة الى قلناها فوق و دة للتفاعل بين خامات البرفان و الفرمونات, طيب ننقى ازاى و نعرف ايه الافضل لينا ازاى تعالوا اقولكوا .

اولا: متشتريش على طول:

scentless-fragrances.jpg

لما تدخل المحل اوعى تشم و تشترى لى طول دة غلط جدا لان البرفان بيتقيم مش بس بريحته لا بثباته و تفاعله مع الجسم بعد فترات متباعدة عشان تظهر كل نوتات البرفان و هما بيبقوا 3 نوتات و منهم الاولى الى بتبان اول ما ترش الرفان و التانية الى بظهر بعد من ساعتين لاربع ساعات و بعد كدة النوتة النهائية الى المفروض بتثبت و بتفضل فى الهدوم. فا انت مبتكونش شميت غير النوتة الاولى و مبتكونش اقواهم او متقدرش تحكم على البرفان منها لوحدها فا نصيحة انك ترش البرفان على هدومك و تمشي و تتابع البرفان و تغيره على جسمك و هدومك و بعدها بيوم تكون قررت اذا كان مناسب ليك و ثباته كويس معاك او لا.

ثانيا: الغالى مش تمنه فيه او حاجة:

When-to-wear-perfume-for-men.jpg

معلومة ان اللى تمنه فيه مش دايما بتكون صحيحة هنا وخصوصا مع العطور و دة برضه بيرجع للتفاعل الى قلنا عليه فوق, فا مش معنى ان البرفان غالى يبقى ريحته هتكون عليك جبارة بل ساعات مبتظبطش. و بعدين فى اماكن كتير بتبيع برفانات اسعارها مناسبة وثباتها قوى و فعالة جدا, و سيبك من الورقة الى بتشمها و انت ماشي دى لانها مش مقياس تماما.

ثالثا: خليك ثابت و بلاش تجارب كتير:

man-with-a-plan-mainelement.png

لما تدخل المحل متبقاش عامل زى العيال الصغيرة و تشم 50 برفان لانك بعد البرفان التالت اصلا حاسة الشم عندك بيحصلها خلل و مبتعرفش تميز و كله بيدخل على بعضه دة غير انك هتنسي و مش هتعرف ايه احسن واحد شميته.
رابعا و اخيرا: حاول تبعد عن البرفانات الرخيصة اوى الى ب 20 و 30 جنيه دى لانها زى قلتها وملهاش لازمة بل بالعكس ممكن تسببلك مشاكل فى بشرتك و غير كدة مبتثبتش خالص و هتضطر ترش 100 رشة علشان تحس بريحة البرفان.

نيجى بقى لقايمة احسن برفانات عالمية بتفضيل الاغلبية:

رقم واحد:

dior.png

DIOR : eau sauvage

رقم اتنين:

terre-d-hermes.png

Terre d’hermes

رقم تلاتة:

tom-ford.png

Tom ford: oud wood

رقم اربعة:

aqua.png

Giorgio Armani: acqua di gio

رقم خمسة:

ralph-lauren-polo-black-perfume_1_1.jpg

Polo black


طبعا مش لازم تبقى دى القايمة المفضلة للكل لكن رجالة كتير اجتمعوا عليهم و برضه فى بدائل كتير تقدر تخليك متميز بريحة جذابة للجميع.


شارك هذا المقال: