إزاى تقدر تفرق بين الـ PERFUM الأصلى والمضروب

أحمد صلاح

اسعار البيرفم الاورجنال دلوقتى غاليه جدا , عشان كدا وانت رايح تشترى بيرفم يبقى لازم تحط عينك وسط راسك عشان تعرف هو ده فعلا اورجينال ولا مضروب ..


زمان كان معروف ان البيرفم درجات وكنا بنكتشف الدرجه بتاعته من خلال الوصف اللى على العبوه .. يعنى لو كان مكتوب عليه


PERFUM فكده دا الاوريجنال انما لو مكتوب EAU DE PERFUME فيعتبر دا درجه اقل , انما لو مكتوب EAU DE TOILTE  يبقى كدا ده اقل درجه .. بس الكلام دا كان زمان والغش بقه كتير وممكن تشوف ازازه بيرفم ب 200 جنيه ومكتوب عليه PERFUM


فلازم تخلى بالك وانت بتشترى .. لانك هتدفع فلوس كتير .. ومن المعروف ان فيه اماكن وتوكيلات بتبيع الاورجنال ودول فعلا مش بيبقى عندهم نصب .. بس للاسف اسعارهم بيبقى اغلى من الطبيعى لان بيحطوا على السعر ضريبه قيمه مضافه وشويه ضرايب وجمارك هتلاقى السعر غالى جدا وممكن تروح تجيبه من محل مستحضرات تجميل او تشتريه اون لاين ويكون ارخص 200-300 جنيه ..


وعشان تتأكد بقه ان اللى هتشتريه ده اوريجنال ولا لاء لازم تاخد بالك من شويه حاجات كدا


*ادخل على موقع البيرفم واعرف شكله كويس وشكل العبوه وادخل على اليوتيوب وهتلاقى فيديوهات ريفيوهات للبيرفم دا


*البيرفم الاصلى فى الغالب بيكون ملفوف بورقه سولفان شفافه


*امسك اليبيرفم ورجه كويس ..المفروض هيعمل فقاعات كدا لو اختفت بسرعه اعرف ان ده مضروب لان الفقاعات دى لازم تاخد وقت مش اقل من خمس دقايق لغايه ماتختفى


*دور على الاخطاء الاملائيه فى الاغلب المضروب بيكون الاسم مش مطابق


*افتح الازازه وبص في جوده تصنيعها يكون الازاز شفاف ومافيهاش اى عيوب او اى شوائب

10-Best-Luxury-Colognes-Fragrances-for-Men-.jpg


معظم الحاجات اللى فوق ممكن تحس انها تقليديه انما بقه لو استخدمت تطبيق BARCODE SCANNER واعمل اسكان على الباركود اللى على العبوه لو مضروب مش هتلاقى الباركود دا هيدخلك على الموقع الرسمى بتاع البيرفوم ولو مضروب مش هيوصلك لحاجه انما لو اصلى هتلاقى اتعرف عليه وبكده يكون اصلى


شارك هذا المقال: