رسائل تنافسية بالشفرة فى إعلانات بيبسي وكوكاكولا

أحمد سامي

بعد 3 سنين لشركة كوكاكولا عن حملة اعلانات قوية , من اّخر حملة كسرت الدنيا , ( كوكاكولا أحلي مع ... ) , كوكاكولا استغلت بطولة أفريقيا و اللي هاتبدأ قريب , في انها تبدأ campaign  اعلاني صاروخي , خاص بالمنتخب .

unnamed-1-.png

حملة كوكاكولا الجديدة اللي نزلت تحت شعار , لو مصري بجد ماتلبسش تيشبرت أي حد , كان هدفها الرئيسي هي نشر فكرة الانتماء لمصر و تيشيرت المنتخب , اللي غاب عن البطولات و الألقاب ل 6 سنين , خلال الفترة دي تيشيرت منتخب مصر اللي كان بيحمل أسماء عظيمة زي تريكة و زيدان , اتبدل عند الشباب بتيشيرتات الفرق و المنتخبات العالمية . و تحت فكرة الانتماء للعلم المصري , بدأت كوكاكولا حملتها في تبديل أي تيشيرت قديم عندك لأي فريق اجنبي , بتيشيرت منتخب مصر .

فكرة جميلة و جذابة , لكن لم تخلو من الرسائل الخفية ضد المنافس الرئيسي و الأزلي , بيبسي .

في الاعلانات اللي نزلت , بيظهر الشخص اللي كوكاكولا بتحفزه عشان يلبس تيشيرت منتخب مصر , لابس تيشيرت منتخب تاني , لكن في الاعلانين تم اختيار , منتخبي ايطاليا و الأرجنتين , واللي بيلبسوا تيشيرت لونه أزرق !

unnamed.png

و ده اللون المميز ل بيبسي ! و المتحدث باسم كوكاكولا في الاعلان بيقوله : لو مصري بجد .. ماتلبسش تيشيرت أي حد ! و بعد كده بيلبس تيشيرت منتخب مصر , الأحمر ! و ده اللون المميز ل كوكاكولا ..

طبعا فكرة ذكية من كوكاكولا , لكن سريعا بيبسي ردت باعلان جديد , بيظهر فيه نجوم المنتخب الأهم , صلاح .. النني .. رمضان .. فتحي ... الحضري , والغير متعاقدين مع كوكاكولا , واللي عشان كده مقدرتش تجيب اسم حد فيهم في اعلانها بتاع الشنبات في صالة البنج بونج .

unnamed-2-.png

في الاعلان ده بيظهر لاعبي المنتخب لابسين تيشيرت المنتخب الأحمر بكل وضوح , و برسالة قوية للرد علي كوكاكولا , في ان تيشيرت المنتخب مسؤلية , مش أي حد يتحملها , والمتحدث في الاعلان باسم بيبسي قال : ده مش وقت منافسة ما بينا ( كوكاكولا و بيبسي ) بيبسي هاتبتدي بنفسها ! في الشهر ده بيبسي هاتقلب أحمر .. لون كوكاكولا , عشان المنتخب بس ! 

unnamed-3-.png

ياتري الأيام الجاية و خلال منافسات البطولة , بيبسي و كوكاكولا , هايعملوا ايه تاني , وهل لسه في اعلانات هاتنزل فيها رسائل تنافسية بينهم !

هانشوف .. لكن الأكيد ان احنا هانستمتع الفترة الجاية خلال اي أحداث مهمه , بأفكار اعلانية جديدة و قوية بين الشركتين , بعد كذا سنة من جمود و تكرار الأفكار .


شارك هذا المقال: