البطاريق تحكم المدينة !

أحمد سامي

بيقولك يا سيدي مقابلة البطاريق في مول مصر الجديد هاتكلفك 800 جنيه ! ومصر كلها ملهاش سيرة غير البطاريق اللى جت مدينة القاهرة وشرفتنا ..و ده خلانا ندور شوية عن قصة البطاريق دي و نعرف معلومات مهمة !

624357_batari9.jpg

أولا البطريق طائر مش كائن بحري .. و كمان مش موجود في القطب الجنوبي و بس .. ده موجود كمان في ناميبيا وجنوب افريقيا واستراليا ونيوزيلاندا الى جانب القطب الجنوبي ..

الجديد بقه ان البطريق مش طائر وديع ولا حاجه .. المعروف عن ذكر البطريق انه متحرش بطبعه ,, و في نوع من البطاريق في القطب الجنوبي اسمه البطريق الإمبراطوري .. بيخطف اناث البطاريق و يتحرش بيهم .. اه والله زي مابقولك كده ..

كمان البطاريق بتختار لنفسها شريك تزاوج مختلف في كل موسم.. يعني كائن مزواج و غير رومانسي بالمرة !

963.jpg

وكمان "الخيانة" حاجة شائعة بين طيور البطريق ,تقريبا تلت إناث البطاريق بتخون شريكها في التزاوج. وفي بعض الأحيان، بتحصل "الخيانة" نتيجة عوامل نفعية ومصلحجية جدا ..

البطاريق بتبني عشها بالأحجار. وأحيانا نقص الأحجار بتخلي الإناث تمارس "الدعارة"؛ يعني بتتزاوج مع الذكور مقابل الحصول على أحجار ! شوفن السفالة يا جدع !

-768x480.jpg

عشان كده أي تريقة او كلام عن ان البطاريق كائن لطيف و بائس حاليا عشان جه مصر .. فانحب نقولك انه بالعكس .. ابسلوتلي .. ده جه المكان الصح .. و مش احنا اللي هانتحرش بيه , ده هو اللي هايتحرش بينا !


شارك هذا المقال: