قواعد اختيار الــ BackPack

فريق راجل. دوت كوم

الـ"BackPack" (شنطة الضهر) من أحسن الشنط اللي ممكن تسافر بيها علشان وزنها أخف كتير من شنط السفر العادية. أسهل في شيلها وسهل جدًا تطلع بيها الطيارة (يعني هتفكس لسير الشنط وتوفر شوية وقت لما توصل) بس يفضل السؤال المهم، أختار أحسن BackPack إزاى؟!

أحسن BackPack هى اللي تعيش معاك أطول فترة وماتكونش متعبة ليك في شيلها وتقدر تستخدمها في معظم رحلاتك، وعلشان كدا لازم تكون فيها الحاجات دي:

ضد المياه:

1-Scotbyc.jpg

scotbycycles.co.uk

قدامك حل من اتنين يا تشتريها معمولة من خامة ضد المياه و تبقى ريحت دماغك (ودي هتكون غالية شوية) أو إنك تجيب "BackPack" عادية وتجيبلها "cover" وفي الحالة ده الأحسن انك تشتري "BackPack" معاها ال"cover" بتاعها علشان يبقى المقاس مظبوط فمتتعبش نفسك.

جيوب كتير:

الـBackPack الكويسة لازم يكون فيها جيوب كتير علشان ده هيساعدك في ترتيب حاجتك لمجموعات صغيرة (جيب للهدوم، جيب للجزمة,، جيب تحط فيه سناكس، وهكذا) فيبقى أسهل لك توصل للحاجة وتلاقيها بسرعة.

خليك في الأمان:

2-liamhdooley.jpgliamhdooley.files.wordpress.com

حاول تختار اللي بيبقى فيها ٢ سوستة لكل جيب بحيث إنك تعرف تأمن كل جيب بقفل لو فيه حاجة خايف عليها من السرقة.

الـFrame:

من أسم الـback pack واضح إنك هتفضل شايلها على ظهرك على طول وكنوع من تقليل الإصابات بيحاولوا يخلوا في "frame" في الشنطة علشان ظهرك يفضل مفرود دايما.

فيه نوعين من الشنط، نوع فيه الـ"frame" ده برا وده النوع القديم بس لسه ممكن تلاقيه، والنوع التاني فيه الـ"frame" متبطن من جوا الشنطة نفسها وده اللي تدور عليه علشان مش بس شكله أحلى. لأ ده كمان بيكون أخف وأسهل في الحركة.

الراحة:

3-s7on.jpegs7ondemand1.scene7.com

في حاجات بسيطة ممكن ماتخدش بالك منها بس هي مهمة جدًا جدًا زى إن ظهر الشنطة والكتاف والأحزمة تبقى كلها متبطنة علشان ده هيخفف ضغط الوزن من عليك.

الحجم:

من أكتر الأسئلة اللي بتتسأل "أجيب أنهي حجم ؟! طيب كده كبيرة بزيادة ولا صغيرة  أوي؟َ! ده هتكفي ؟!" أولاً الـback pack بتتقاس بالليتر واختيارك للحجم اللي هتشتريه معتمد على انت ناوي تعمل إيه بالـback pack يعني هتسافر بيها ولا مجرد رحلة يوم واحد وخلاص.

ممكن تستخدم الجدول ده كدليل ليك وانت بتشتري:

Guide.jpg

الكامبينج:

لو انت من الناس اللي بتحب التخييم، يبقى لازم تتأكد إن الـ"BackPack" فيها مكان للـ"Sleeping Bag" والـ"Sleeping Mat", وده بتكون ببساطة شوية أحزمة موجودة في الشنطة علشان تعرف تربط فيهم حاجتك.

last-photo-vargo.jpgvargooutdoors.com


شارك هذا المقال: