النصايح السحرية لإنقاص الوزن من غير ريجيم !

أحمد صلاح
شارك هذا المقال:

اكبر مشكلة بنفكر فيها معظمنا دلوقتى هي ازاى لبس الشتا الى فات هايدخل علينا !!!

ودى فعلا مشكلة مش صغيرة بعد اسعار اللبس الشتوى مابقت حاجه هبل .. يعنى دلوقتى لو دخلت اى محل لبس اخرك تتفرج وتستعجب بس .. طيب ايه الحل ؟

الحل هو اننا لازم قبل دخول الشتا اننا نعمل رجيم عشان نرجع بوزننا زى الشتا الى فات عشان اللبس دا يدخل علينا من تانى .. وموضوع الرجيم ده بالنسبة لناس كتير حاجه صعبة وكتير مننا ماعندهوش الارادة القوية انه يمشى على نظام لفترة كبيرة ..

الى عايزين نقوله فى المقال ده هوه كام نصيحه لو مشيت عليهم فعلا هتلاقى بنقص فى الوزن من اسبوع للتانى ممكن مايكونش زى الرجيم بس على الاقل لو مشينا عليها هانستريح نفسيا وممكن تكون تمهيد واستعداد لنظام الرجيم ..

Overweight.jpg

1/ اشرب مايه قبل الاكل

glass-1088601_960_720.jpg

قبل اى وجبة لازم تشرب من 2-3 كوبايه مايه وحاول ماتكونش قبليها على طول يعنى قبليها على الاقل بنص ساعة كدا – بيقولو طبقا لدراسة بريطانية من جامعة برمنغاهم ان الخطوة دى لو عملتها بانتظام ممكن تخس 4 كيلو فى 3 شهور بدون اى رجيم 

2/ الفطار بدرى

13359411101.jpg

فى ناس ممكن تفتكر انها لو مافطرتشى ونزلت خفيف الشغل فده هيخسسها مع ان ده غلط جدا .. والاصح انك تفطر بانتظام فى معاد محدد كل يوم ويفضل انه يكون قبل الشغل عشان تحرق الاكل خلال فتره شغلك ولو عايز توفر وجبه عشان تخس يبقى الافضل تكون وجبة العشا 

3/ اعمل اى تمارين رياضيه خفيفة

ImageDo-a-Push-Up-Step-6.jpg

حاول وانت قاعد فى البيت تعمل اى تمارين خفيفه مش شرط تكون مجهده او لفترة طويلة ممكن مثلا لو بتتفرج على فيلم فى وقت الاعلانات تقوم تعملك 10 تمارين ضغط على 30 تمرينة بطن

هاتفرق معاك كتيروهاتحرق فى اليوم بيهم تقريبا 270 سعر حرارى 

4/ امشى فى اليوم 5 دقايق

media-81867.jpg

حاول تبعد شويتين على العربية بتاعتك ومش شرط تروح للسوبر ماركت الى فى الشارع الى وراك بالعربية ... لو اتمشيت الخمس دقايق دول على رجلك هيفرقوا كتير معاك وهيساعد على الحرق وحاول توصل يوميا لمعدل مشى لايقل عن نص ساعة

5/ وانت بتاكل .. كل براحة وامضغ كويس

large-560470277955957236.jpg

حاول وانت بتاكل ماتستعجلشى وتظلط الاكل ..اصل مافيش حد بيجرى وراك .. حاول تاكل براحه وتمضغ كويس جدا لان ده هيساعد على اكل كمية اقل

6/ الشاى الأخضر

Green-tea-1.jpg

حاول تخلى الشاى الاخضر بديل للشاى العادى وده لأن فى دراسات طبية كتير بتقول ان ماده البوليفينول الموجوده فيه بتقلل امتصاص الجسم للدهون فبالتالى هيقلل وزنك وخلى بالك الشاى الاخضر برده فيه ماده الكافيين فلو مش عايز تسهر يبقى بلاش منه بالليل

7/ قلل الدهون فى اكلك

fat.png

حاول تقلل الدهون فى اكلك مش شرط تحرم نفسك منها بس حاول تبعد عن الاكل المقلى و اللحم الدسم واستخدم زيت الزيتون بدل الزيت العادى والسمن 

8/ اتعشى زبادى بالليمون

belly_fat.jpg

دايما ابعد عن اى وجبات دسمة فى وجبة العشا لانها هي اكتر وجبه الجسم مش بيقدر يحرقها لان عادة بعدها مش بيكون فيه نشاط للجسم ونام خفيف وكل بس زبادى بالليمون لانه له مفعول كويس اوى لنزول الكرش

9/ نام كويس 7 ساعات على الاقل

insomnia.jpg

حاول تبعد عن السهر ولغبطة النوم الى بتحصل فى الويك اند واتعود انك تنام كل يوم 7 ساعات .. لان قله النوم بتنشط جزء فى المخ بيزود من الرغبة فى الاكل

10/ العب رياضة جماعية

article-urn-publicid-ap-org-1ab4c76780aa4f7b8b5c09ce67987819-6Xsm9a1KM-HSK1-858_634x401.jpg

حاول تحدد انت واصحابك يوم فى الاسبوع على الاقل والعب فيه اى رياضة حتى لو نص ساعة .. عشان انت لو اعتمدت على نفسك فى انك تلعب رياضة عمرك ماهتلعب اى حاجة انما لما تلاقى حد يشجعك هيكون عندك استعداد للرياضة

ومش شرط بردة انك تنفذ ال 10 نصايح الى فاتو كلهم مرة واحدة .. لا لا حاول تبدأ بالاسهل فالاصعب لغاية ماتكون الحاجات دى اسلوب حياة