تعرف على رد فيدرر الصادم فى حفل الأوسكار !

أحمد سامي

في جلسة تصوير للمصور الالماني يورغن هاسنكوبف عن أيدي لاعبي التنس , ظهرت الصورة المختلفة دي ل أيد روجر فيدرير , واللي زي ما هي واضح من الصورة متخرشمة من كم التدريبات القاسي وكأنه بيشتغل عامل بناء .
مش بس الرياضي المحترف , لكن اي شخص ناجح في مجاله , دايما الناس بتشوف فقط الجزء المرفه في حياته , لكن مش بتشوف التعب اللي ورا الكواليس عشان يوصل للدرجة دي من النجاح عشان كده هانستعرض شوية مواقف من حياة محترفين في مجالاتهم تعرفك ايه الفرق بين انك تكوان هاوي او محترف

روجر فيدرير

roger.jpg

في حفل الاوسكار الأخير , روجر فيدرير كان من الحاضرين و اتسأل سؤال طبيعي لأي حد بيحضر حفل توزيع أهم جوائز سينمائية في العالم : ايه الافلام اللي عجبتك ؟

لكن الرد كان مفاجئ و روجر قال : ماشوفتش ولا فيلم فيهم

روجر كمل اجابته ب جملة تفسر الفرق الكبير بين لاعب محترف و عظيم زيه و أي شخص اّخر يتصنف كا مجرد هاوي

قال : أنا أولا و أخيرا .. لاعب تنس محترف ثم زوج و أب لأربع أطفال . للأسف لم يكن لدي الوقت لمتابعة أي فيلم .

روجر بيتدرب في يومه فترتين صباحية و مسائية , ده غير انه معروف انه بيهتم بعائلته و أولاده , لذلك الجزء الترفيهي في حياته يكد يكون معدوم بالنسبة لشخص ثروته تقدر ب 600 مليون يورو من لعبة التنس .

باولو مالديني

Paolo-Maldini2.jpg

في نصف نهائي التشامبيونز ليج في 2007 , ميلان الايطالي واجه مانشستر يونايتد الانجليزي بقيادة المدرب الاسطوري اليكس فيرجسون , و بعد المباراة اللي انتهت بفوز ميلان و صعوده للنهائي , فيرجسون صرّح تصريح لا ينسي عن باولو مالديني أسطورة ايطاليا و قال :

هم يمتلكون مالديني , لاعب في ال 38 من عمره و لا يحتسي الكحول أبدا , فا يركض كابن العشرين , أنا أطلب من لاعبي فريقي أن يتخذوه قدوة و يمتنعوا عن السهر الدائم و احتساء الكحول.

مالديني اللي اعتزل في سن ال 40 و كان يقدر يكمل , كان معروف عنه التزامه الأخلاقي و عدم السهر أو الشرب أبدا , و ده كان أحد أسباب احترافيته من وجهة نظر الكتير .. الالتزام التام .

بيل جيتس

9693_412477289392.jpg

في سنة 2000 , بيل جيتس مؤسس شركة مايكروسوفت و أغني رجل أعمال في العالم لمدة تزيد عن ال 25 سنة , زار مصر و ناقش أيامها مع الحكومة المصرية مشروع الحكومة الالكترونية , بغض النظر عن عدم اتمام المشروع , في مؤتمره الصحفي اتسأل سؤال خبيث من أحد الصحفيين الأجانب .. قاله : هل مريت بأي نزوة قبل كده في حياتك أو أثناء شبابك ؟ الاجابة كانت : ماكنش عندي وقت !

هو لم يدّعي الملائكية لكن بكل بساطة في طريق كفاحة ماكنش عنده وقت يفكر في أي نزوات , عشان كده بعد عن أي انحراف كان ممكن يحصل لحد في سنه ! و ركز فقط في هدفه فا بقي بيل جيتس !

الخلاصة أنك عشان تكون محترف , هاتحتاج تكرس حياتك ناحية شغلك و هدفك فقط, واّخر حاجة هاتفكر فيها هي الترفيه المطلق , لأن النجاح هايكون هو لذتك و متعتك الحقيقية !


شارك هذا المقال: