جالاكسى نوت 8 .. وحش سامسونج الجديد

أحمد صلاح

فى نفس الوقت اللى قررت فيه ابل انها تنزل السوق بـ 3 موبيلات وهما ( ايفون 8 , ايفون 8 بلس , ايفون أكس ) سامسونج اعلنت عن طرح احدث موبايل وهو جلاكسى نوت 8 .. وزى ماحنا عارفين ان سلسله موبيلات نوت فى سامسونج تعتبر الافضل فى موبيلات سامسونج وبتكون منافس قوى لموبيلات ايفون ..

النوت 8 الشركه اعلنت عنه فى شهر اغسطس ولسه نازل السوق تقريبا من أسبوعين .. والرئيس التنفيذى للشركه " ده كوه " قال ان موبايل نوت 8 كان عليه طلبات حجز 650 الف موبايل من 40 دوله والرقم ده تقريبا 3 اضعاف الطلبات اللى كانت على موبايل نوت 7
طيب تعالو نشوف المميزات اللى نازل بيها النوت 8 وسعره

الشاشه

1.jpg

اكبر شاشات موبيلات النوت بحجم 6.3 بوصه وبتمتاز انها بدون اطارات وحدود جانبيه .. اما نوع الشاشه هو سوبر اميلود وعليها طبقه حماية الجوريلا والشاشة الكبيرة هتكون مريحه مع خاصية المالتى تاسك ومن خلالها تقدر تفتح تطبيقين فى نفس الوقت بالشكل دا

hgua.png

الابعاد

162.5 x 74.8 x 8.6 mm

القلم

قلم "اس بن " الجديد بتقدر تكتب ملاحظاتك على الموبايل وهو مقفول ده بالاضافه انك ممكن تكبر او تصغر او تقص الصور بسهولة

New-Rumours-Suggest-Galaxy-Note-8-to-Launch-Ahead-of-the-iPhone-7s-1.jpg
الكاميرا

الامامية 8 ميجا والخلفيه كاميرا مزدوجه 12 ميجا بخاصية "او اى اس"

الصور بتمتاز بالثبات وخاصيه التصوير الليلى بتكون اوضح مع سنسور البكسلات المزدوجه

الاداء

البروسيسور بقوة 10 نانومتر

الالوان

galaxy-note-8-all-colors.jpg

أسود, ازرق, ذهبى, رصاصي, وردي

الذاكرة

الرام 6 جيجا والذاكرة 64 جيجا

ده بالاضافه لشوية خواص هتعجبك اوى

زى الشاحن اللاسلكى لان الموبايل بيدعم الشحن اللاسلكى بس بتشتريه بشكل منفصل

كمان ممكن تقدر تصور الصور بخاصيه 360 درجه بالجهاز الخاص بيها

وكمان بيدعم خاصيه الفى أر .. اللى هيا النضاره اللى بتلبسها وبتشوف من خلالها فيديوهات ثرى دى

170824gearvrnote801-770x513.jpg

اما عن محتويات العلبة زى ما الصوره موضحه كدااا

galaxy-note8-camera-box.jpg

واخر حاجه لازم نعرفها عن الموبايل هو سعرها فهو بـ 17 ألف جنيه .. وده لينك الموبايل لو عايز تعرف اكتر عن اى مميزات

http://www.samsung.com/eg/smartphones/galaxy-note8/


شارك هذا المقال: