موبايل " note 7 " السقطة اللى هتحول سامسونج لــ نوكيا !

أحمد صلاح

كتير مننا كان متابع الفتره الى فاتت تليفون سامسونج " نوت 7 " ويمكن الى بيفهم شويه فى الموبايلات يعرف ان افضل فئه فى موبايلات شركة سامسونج كلها هيا فئة النوت ودايما كانت مبيعاتها ممتازة من اول "نوت 1 " لغايه "نوت 6 " وللاسف سلسلة النجاح دى مش هتستمر بعد الى حصل فى النوت 7 والى هانعرضها عليكم بالتفصيل

bgr-galaxy-note-7-51.jpg

النوت 7 كان بيتميز بأيه ؟

- شكل زجاجى من الخلف
- خفيف 170 جرام
- مساحة كبيرة 64 جيجا
- شاشة 5.7 بوصة
- كاميرا خلفية 12 ميجا وامامية 5 ميجا
- بطارية 3200 ملى امبير
- الرام 4 جيجا

unnamed-4-.jpg

ايه مشكلة ال "نوت 7 " ؟

شركة سامسونج أعلنت عن ال نوت 7 الجديد فى شهر اغسطس وبدأت فى بيع الموبايل من اول سبتمبر الى فات بس للاسف ظهرت مشكله واتكررت مع اكتر من واحد معاه الموبايل فى العالم وهى ان التليفون " بينفجر " ؟؟!! بينفجر طيب ازاى ؟ هوه مش المفروض ان قبل اى شركة وخاصة لو

شركة كبيرة زى سامسونج تعلن عن تليفون وتبدأ فى انتاجه وتصنيعه وبيعه للناس بيتعمل عليه تجارب والمفروض ان الشركه بتعمل فتره تجريبية ودى بتبقى فى مرحلة قبل الانتاج !!!

ده المفروض ولكن فترة التجربة دى مش شرط تحكم عن ان الموبايل ده امن بنسبة 100% وده ببساطة لان فى حاجات بتظهر مع الاستخدام لفترات طويلة وحتى المشكلة الى حصلت دى كان عددها محدود ولا تتعدى نسبة .1% ...

المشكلة ان لغاية دلوقتى شركه سامسونج ماوضحتشى ايه الخلل او ايه سبب ان الجهاز بينفجر وان ممكن وانته موصل التليفون فى الشاحن تروح تلاقيه مولع نار !! او لو انته حاطه فى جيبك ممكن فجأه تلاقيك مصاب فى رجلك ..

unnamed-5-.jpg

ايه تصرف الشركة ؟

فى البداية الشركة بعد مادورت على سبب المشكلة فى خبراء فى الشركة اكدو ان العيب هيكون من البطارية وان البطارية الى فى الهاتف دى من تصنيع شركه تانيه وبتوردها لسامسونج ..

المهم الشركة قررت سحب كل الموبايلات الى اتباعت عشان يغيروا لكل ملاك الموبايل البطارية فى الشركة ببطارية تانيه شركه سامسونج قالت دى هتكون النسخه الامنه للموبايل بالبطارية الجديدة ..

ولكن بعد مافعلا تم تغيير البطارية اتضح ان نفس المشكلة حصلت تانى وبنفس الشكل الموضح دا ..

unnamed-1-.png

وفى النهاية بقا قررت شركة سامسونج التلات الى فات انها توقف انتاج الموبايل بشكل كامل وانها هاتسحب كل الموبايلات من الاسواق وتتحمل الخساير كلها بعد فضيحة عالمية

ايه الخسائر الى حصلت للشركة ؟

قبل الخسارة المادية للشركة اكيد موضوع زى ده هيسبب لخسارة كبيرة بثقة كل المستهلكين والمستثمرين فى العالم .. وبعد القرار الغريب بوقف انتاج الموبايل وسحبه من السوق لان فى معظم الشركات لو ده حصل بيحاولو انهم يطورا من المنتج ويستمر فى السوق ولكن واضح ان المشكلة كانت

 حجمها كبير وهما قرروا يكتفوا بالخسائر 

والخسائر تقريبا كانت عبارة عن : ( 17 مليار دولار ودى كانت خساير تصنيع وسحب الموبايل من الملاك ) , ( 20 مليار من قيمتها السوقية وده بسبب هبوط سهم الشركة اكثر من 7% بعد خبر ايقاف انتاج الهاتف )

واكيد قرار ايقاف الموبايل وسحبه مش هيمنع كل المستهلكين والمتابعين لسوق الموبايلات عن سؤالهم للشركة عن ايه سبب المشكلة وعشان يقدر اى مستهلك انه يشترى موبايل لسامسونج جديد بدون اى تخوف


شارك هذا المقال: