هوا ولا نيتروچين؟

محمد رامز
شارك هذا المقال:

ناس كتير بتسمع عن إن النيتروچين أفضل اختيار لكاوتش العربية بس لأننا غالبًا بنمسك في اللي متعودين عليه ما حاولناش نعرف هل فعلًا إنك تنفخ الكاوتش نيتروچين أفضل من الهوا العادي ولا لأ؟

بس علشان تقرر إيه أفضل لازم تعرف أكتر إيه أصلًا مميزات النيتروچين: 

- غاز جزيئاته صعبة التمدد والإنكماش، يعني لو حضرتك سيبت العربية فترة الكاوتش مش هينام بنفس درجة الهوا العادي.

بيخلي الكاوتش طري في المطبات، كمان ممكن تنفخ الكاوتش زي ما المصنع بيقول وده بيقلل من استهلاك البنزين وكمان بيطوّل عمر الكاوتش. 

- درجة الأمان بتاعته أعلى من الهوا العادي لأنه مش هـيتمدد معاك في السرعة العالية، فإحتمال إن الكاوتش ينفجر فجأة على الطريق أقل بكتير.

  لو حاطط نيتروجين ممكن تظبط الضغط بتاعه في أي وقت، مش لازم تستنى الكاوتش يبرد خصوصًا لو على طريق سفر، الهوا لازم تديله فرصة انه يبرد عشان الضغط يكون مضبوط. 

- البلاد الحر زي مصر والخليج ضغط الكاوتش بيتغير بسرعة، إنما النيتروجين صعب إن ضغطه يتغير مع الحرارة حتى لو عالية جدًا.

inside-nitro.jpg

 wheellifetires.com:مصدر الصورة

 

دول كانوا المميزات أما بقى الحقائق اللي لازم تعرفها عنه:


- فيه ناس بتقول إن الهوا  ٨٧٪منه نيتروچين، يبقي الموضوع كله اشتغالة، عايز أقول لحضرتك إن عدم وجود الأكسجين وبخار المياه بيعمل فرق، النسبةالباقية الـ٢١% دي بتسبب في مشاكل الكاوتش.

- لو عربيتك حديثة وفيها مقياس ضغط الكاوتش TPMS، نسبة بخار المياه في الهوا ممكن تلخبط الجهاز ودي عن تجربه شخصية. ده طبعا غير إن الهوا العادي بيساعد على الأكسدة.

 

- الطيارات وعربيات الـFormula-1 بتستخدم نيتروچين في الكاوتش بتاعها لأنهم عندهم من الخبرة اللي يخليهم فاهمين كويس جدًا مميزات النيتروچين

 

- لو حاطط نيتروچين واتزنقت، ممكن تزود هوا عادي، مش هيحصل حاجة.

طبعًا أكيد هتسأل عن العيوب: 

 

مش منتشر وجوده زي الهوا العادي، وأغلى. بس فايدته بتخليك تفكر أكترمن مرة إنك تسيبك من الهوا العادي وتبدأ تستخدمه (أطلع فوق تاني للمميزات)