لو مصاحب جديد .. إوعي تعمل الحاجات دي على فيسبوك!

أحمد رحال


كل راجل فينا لما بيصاحب بنت جديدة بيبقى في حالة سعادة و أنبساط و أنشكاح لا توصف لأن مافيش أجمل من البدايات في آي علاقة, ولكن كتير من الرجالة بتقع فى فخ الأنبساط دا و بتقوم بفعل أفعال غير مسؤولة خصوصاً على فيسبووك و بتخلي شكلها مش تمام سواء قدام الصحاب أو الصديقة الجديدة وممكن كمان تهدد العلاقة قبل ما تبدأ !
عشان كدا خد بالك من الحاجات دي كويس لو لسه بتقول يا هادي !

أوعي تديها الباسورد

unnamed-1-.jpg

الثقة ما بين الطرفين حلوة مافيش كلام بس أسمع الكلام و أبني الثقة دي ما بينكم من غير التعدي على المساحات الشخصية لأن كل واحد فينا راجل أو ست له خصوصياته اللي هيحتفظ بيها لنفسه و مهما كانت درجة التفهم ما بينكم مش لازم هي تشوف رسايلك مع الأكسات أو أنت تشوف رساليلها فأوعي تديها الباسورد أو تطلبه منها .

إمسح صور الإكسات

2.jpg

بص الذكريات جميلة طبعاً بس صاحبتك الجديدة بالنسبة لها الذكريات دي كوابيس فمن الأفضل و مراعاة لمشاعرها المرهفة أمسح صور الأكسات أو على الأقل اللي هي تعرف أنك صاحبتهم و خلي عندك شوية من الأحمر عشان تبدأ علاقة جديدة بدون مشاكل ملهاش لازمة .

بلاش تعطف و تلطف في الكومنتات

3.jpg

بشكل عام أول ما بتصاحب بروفيلك بيكون تحت المراقبة 24 ساعة 7 أيام في الأسبوع فخد بالك آي لايك بحساب ولو مزنوق فيه أوي خليه لايك بلاش جو القلب الأحمر دا عشان بيجب مشاكل صدقني وأنسى بقى التعطيف و التلطيف مع مزز أخريات عشان ما تفتحش على نفسك أبواب الجحيم !

أبتعد عن السلفي و التاج

unnamed.jpg

مفهوم طبعاً أن في أول العلاقة تحديداً على الفيسبووك بروفايلك هيتغرق صور ليك أنت و المزة وتاجات رايحة جاية , بص حاول ما تعملش كدا ولو حبكت أوي ما تكترش لأن الصحوبية دي قسمة و نصيب و النهاردة في أيدك ممكن بكرة يبقى في حتة تانية ففكر لما تفركش لقدر الله أيه اللي هيحصل ! هتكون مضطر انك تمسح كل الصور دي ودا مجهود بيكون أصعب من الفركشة نفسها !

ماتبلغش في إظهار عواطفك !

5.jpg

ما تفهمنيش غلط ! دلعها و أكتبلها كلام حلو ورومانسي وبالغ براحتك بس ياريت فى الرسايل ما بينكم بلاش كدا تطلقوها على خلق الله ! لأن البنات بشكل عام تحب أنك تظهر حبك ليهن قدام الناس و هتلاقيها هي بتعمل كدا و دا شئ لطيف بس المهم بلاش المبالغة في أظهار تلك العواطف يعني ممكن عشان الحسد أو عشان ماتفقعوش لصحابكم المرارة !


شارك هذا المقال: