new optra ... مش كل الصيني هيلبسك فى الحيطة !

كيرلُس إدوارد

مع اسعار العربيات اللي بتغلي كل اسبوع و كل يوم و كل ساعة و الفلوس الي كنت ناوي تجيب بيها العربية زي ما هي مزادتش فا المبلغ الي معاك هيجيبلك عربيه فيرنا بالعافية – لو عرفت :D –

فا اختياراتك بتبدأ تقل من الماني لياباني لكوري نهاية بالصيني!

العربيات الصيني دلوقتي مبقتش زي زمان خالص دلوقتي حصل لها تطور رهيب لو بصيت علي العربيات الشيري 2006 صعب تصدق ان هي الي منزلة شيري انفي 2016!
علشان كدا لو معاك مبلغ و عايز تجيب عربية بدل ما تجيب بيهم فيرنا هرشحلك عربية صيني محترمة!

شيفروليه اوبترا 2016 عربية نازلة من فترة وحصل مشاكل ان التوكيل بتاعها كان بيروج انها كوري و لكن اكتشفنا انها صيني, العربية نفسها مفيهاش مشكلة و هنتكلم دلوقتي عن مميزاتها.

Chevrolet-Optra-Egypt-rear-three-quarter-press-shot.jpg

الشكل الخارجي:

الشكل الخارجي مميز و يعطي انطباع بالقوة و الفخامة و ان السيارة رياضية و ذلك بسبب الملامح الحادة للتصميم.

unnamed.jpg

تجربة القيادة :

- العربية اول ما هتركبها هتحس انها واسعة بشكل ملحوظ و التابلوه الشيك بتاعها مش واخد مساحة كبيرة, اماكن كل الازار واضحة و قريبة من السواق بتديله راحة في استخدامها و مش بتشتته عن السواقة.

- الكراسي الجلد و مخدع السائق هيحسسوك بالفخامة و فتحة السقف مميزة, اماكن التخزين متوفرة و عملية.

- الدريكسيون جلد 3-Spoke و شكله مميز و ازرار الMulti-Functions في جانب واحد مش خفيف اوى علشان زيت مش كهرباء.

- التابلوه انواره رياضية و مزودة بكمبيوتر رحلات.

- بها معظم الكماليات سنتر لوك, مرايات كهرباء

- سينسور للركنة - Parking Sensor - تحكم في مستوي النور الامامي.

- جنوط 15 بوصة.

unnamed-1-.jpg

الموتور والتسارع:

العربية موتورها 4 سلندر 1500cc و فتيس 6 سرعات بتطلع 110 حصان و عزم 146 نيوتن/متر عند 4000 rpm و العربية وزنها 1220 كيلوجرام بتوصل من 0 – 100 في 13.2 ثانية و سرعة قصوى 170 كيلومتر/ساعة.

unnamed-2-.jpg

الامان و انظمة السلامة:

السيارة مزودة ب ABS, EBD و 1 او 2 ايرباج حسب الفئة.

استهلاك الوقود:

حسب الكتالوج العربية في الظروف المثالية بتستهلك 7.3 لتر لكل 100 كيلو.

unnamed-3-.jpg

الكنبة الخلفية و الشنطة:

العربية من ورا واسعة جداً تشيل 3 اشخاص مستريحين و وجود المسند الخلفي لو اتنين بس ورا هيبقوا قاعدين بمزاج :D و في USB للركاب الي ورا.
الشنطة مساحتها 450 لتر مقارنة بالافيو 400 لتر و الفيرنا 390 لتر.

الفئات والأسعار:
العربية متوفرة بفئتين تبداً من 146,000 الي 156,000 جنيه مصرى.


شارك هذا المقال: