نانو إيجبت أرخص عربية فى مصر..وأغلى فنكوش فى العالم !

شيماء عادل
شارك هذا المقال:


الحكاية بدأت لما سمعنا أخبار وشوفنا صور والدنيا إتقلبت على السوشيال ميديا.. الكل بيتكلم عن أرخص عربية فى العالم، العربية المصرية "نانو إيجيبت" أم 25 ألف جنيه بس !!!

وخبر زى دا طبعا كان لازم يقلب الدنيا، أصل مين فينا مش هيتعشم يشترى عربية زيرو ب25 ألف جنيه لأ وكمان ممكن تقسط، يعنى مفيش أسهل من كده وكأننا عايشين من أيام عملة السحتوت بس ما علينا، قالك إيه بقى إن العربية دى صناعة مهندس مصرى "رضا غازى" إللى حاول يعرض

فكرته على مصانع مصرية سنه 2010 ولكنهم رفضوا، فاضطر للتعاقد مع مصنع فى الصين "لكن هى مصرية 100%" .... المهم طلعت تصريحات وأخبار كتيير زى إن الشركة المصرية للإستيراد الوكيل الوحيد فى مصرللعربية "شركة رضا غازى طبعا" بتقدم هدية للمصريين ولمحدودى الدخل

بتتمثل فى أرخص عربية فى العالم وإللى تمنها 25 ألأف جنيه بس، وليها نظام تقسيط من خلال بنك ناصر بمقدم 5000 وقسط شهرى 350 جنيه وكل ده بصورة البطاقة ووصل النور بس.

4b91bd9e-8874-4a39-ab75-085684dd0b68.jpg

أما عن مميزات العربية الخارقة دى فهى مصممة لتفادي أضرار المطبات العشوائية إللى فى مصر ، وكمان مصنعة من الصاج لتحمل أقصى الظروف وبتوفر في استهلال البنزين ،لأنها بتستهلك 3 لترات لكل 100 كيلو متر، وبتتحمل درجة الحرارة العالية لحد 50 درجة ، ومساحة السيارة

الداخلية واسعة وبها إطارات معالجة ضد الثقوب وتلحم نفسها بنفسها ، دا غيرفتحة سقف ، وفوانيس شبورة وجهاز كاست حديث ، و قطع الغيار متوافر بأسعار رخيصة.و"عفشتها" تتمتع بنفس مواصفات سيارات "سوزوكي" اليابانية ، وبها فتحة سقف و"سبويلر" خلفي!!! الماتور 650 سي سي

واحد سلندر والسرعة القصوي 80 او 90 كم/ س بعكس مثيلتها نانو الهندية 625 سي سي اتنين سلندر وسرعتها القصوي 70 كم

screen-shot-2012-10-16-at-1-33-49-pm.png

نيجى بقى للحقيقة الصادمة... مبدأيا كده 650 سى سى وواحد سلندر فإحنا كده بنتكلم عن توك توك متقفل على شكل عربية بس دا حتى التوك توك معمول بمعايير عالمية معترف بيها فى العالم كله دا غير إن سعر التوك توك بقى 36000 جنيه من 25 يعنى.

وكل الكلام والتهجيص بتاع المواصفات والإمكانيات دا عبارة عن فنكوش كبييير، ولا فى مواصفات ولا تستحمل حرارة عالية ولا إبداع مصريين ولاأرخص عربية فى العالم ولا فى عربية أصلا...

nano_auto.jpg

كل المسئولين بدأوا يتحركوا ويخلوا مسئوليتهم من عملية النصب الكبيرة دى، فهنلاقى نائب رئيس بنك ناصر محمد شومان أصدر بيان بعدم صحة تمويل البنك للسيارة نانو إيجيبت. وطلع جهاز حماية المستهلك من يومين بيان بيحذر فيه المواطنين من عدم صحة ما نشرعن قيام إحدى الشركات ببيع

وتسويق سيارة تدعى "نانو إيجيبت" بسعر 25 ألف جنيه، مؤكدًا على عدم وجود هذا الطراز من السيارات بمصر حاليًا. هو الصحيح التحذير والبيان دا إتأخر بس أهوو أحسن من مفيش.

images.jpg

فلو كنت عشمان فى العربية الزيرو أم 25 ألف جنيه...تعيش وتاخد غيرها وكل فنكوش وأنت طيب.