تكنولوجيا "النانو" .. مش هتحتاج تغير لزقة الشاشة

أحمد صلاح

أقوى صراع دايما جوانا لما بنشترى موبايل جديد وانت لسه بتطلعه من البوكس بتاعه هو انك نفسك تمسك الموبايل زى ماهو جاى من المصنع ومش عايز تكتفه لا بجراب ولا بلزقه شاشه .. فعلا الموضوع دا بيخلى اى حد يشترى موبايل جديد مايفرحشى بالموبايل ولا بيستمتع بالتصميم الجميل بتاعه ..
وطبعا السبب اللى بيخلينا نعمل كدا هو ان لو الموبايل وقع على الارض غصب عنك فى اى وقت هتلاقى شاشته اتكسرت وعملت كدا ..

broken33333.jpg
 
حتى لو موبيلك محمى بطبقه الجوريلا اللى هيا المفروض ضد الكسر , لو الوقعه جامده او نزل على حاجه حاده برده هاتتكسر والمشكله ان سعر الشاشه فى التوكيل اسعارها غاليه اوى 2000 جنيه على الاقل .. عشان كدا بنعصر ليمونه على نفسنا وبنشيل الموبايل بلزقه شاشه


ولزقه الشاشه فى الموبيلات كان ليها طريق كبير من التطوير من اول ما كانت بدائيه خالص وعباره عن ورقه بلاستيك وبعدين وصلت اللزقه الازاز - اللى بتحمى الشاشه فعلا بس المشكله شكلها مش عاطفى خالص – لغايه ماوصلنا للزقه الشاشه بتقنيه النانو


النانو هيا تقنيه جديده ليها استخدامات كتير فى العالم وهى عباره اجزاء صغيره جدا وعشان كدا بتدى الصلابه للماده


وكان اكتر استخدام حديث ليها فى العربيات .. كانوا بيدهنوا العربيه بماده النانو دى عشان تحميها من المطر ووالتراب بالشكل دا


وأفضل شكل للزقه الشاشه النانو هى السائل .. بتيجى فى انبوبه كدا جواها السائل دا وبتقدر تحطها على الموبايل بسهوله


واهم مميزاتها انها مساحتها 0.0004 ميلى ودا اللى بخلينا نمسك الموبايل واكنه بدون اى لزقه عليه مقارنه باللزقه الازاز التقليديه اللى كانت 0.3 ملى
صعبه الكسر يعنى هتعمل حمايه كويسه وهتحمى الشاشه من الخدوش


لو تصميم شاشه موبايلك من الشاشات الحديثه اللى فيها كيرف من الجناب ومش بتلاقى لزقه بالساهل ولو لقيت بتعمل فراغ هوا جواها النانو دى هتغطى الشاشه كلها
السائل هيغطى وش الموبايل وضهره كمان ..


طيب سعرها ايه ؟؟


السعر كويس ودلوقتى رخصت عن زمان يعنى تقدر تشترى حاجه كويسه ب 60 جنيه
ولو قررت تجيبها ابقى اتفرج على الفيديو دا وانت تعرف تركبها بنفسك







شارك هذا المقال: