إزاى أختار موبايل جديد مناسب لشخصيتى ؟

محمد سمير

دلوقتي انت محتاج تشتري موبايل عشان موبايلك قدم او باظ او برستيجك معدش يسمحلك تبقي شايل موبايل موديل قديم احنا هنا هنديلك شوية نصايح عشان تختار الموبايل الي يناسب شخصيتك واستايلك

1- ماركة الموبايل وامكانياته !!

ماركة الموبايل بتفرق مع معظم الناس اكتر من الامكانيات بتاعته ودا اكبر غلط عشان كدا انت لازم تبقي عارف انت عايز ايه فموبايلك بالظبط ..

يعني بتحب التصوير والميديا دور علي الموبايل الي الكاميره بتاعتة قويه بتحب الصوت العالي والمزيكا دور علي الموبايلات الي صوتها نقي وفيها اكبر عدد من السماعات . الشركات بتنزل موديلات وكل موديل معمول عشان يرضي فئه معينه من المستخدمين دور علي الي يناسب احتياجاتك من غير

فشخره مش شرط انك شاري احدث واغلي فلاج شيب لبراند موبايلات معينه يبقي الموبايل دا فيه كل الي انت عايزه ومع ازمة الدولار الي احنا فيها وارتفاع اسعار الفلاج شيبس السنه دي لدرجة ان كل الموبايلات العاليه زي الايفون 7 والنوت 7 اسعارهم هتبقي فوق ال 10000 هقولهاك تاني بلاش

فشخره كل جنيه بتوفره انت اولي بيه عشان تجيب احتياجاتك الشخصيه و تفسح الوزه وتجيبلها هدايا عشان متقفش عليك !

unnamed.jpg

2- الميتيريال بتاعة الموبايل

الديزاين مهم جدا والميتيريال الي معمول منها الموبايل مهمه اوي والموبايل بتاعك بيعكس شخصيتك والبنات بيحبو يركزو فتفاصيلك حتي موبايلك وهيبقي شكلك وحش اوي لو موبايلك مخدش وشاشتك متكسره فلو لو انت استخدامك تقيل وبتبهدل الموبايل بتاعك حاول تبعد عن الميتيريال الخفيفه زي

الجلد والبلاستيك الخفيف وابعد عن الموبايلات الي ضهرها ازاز وخليك في الموبايلات الي الشاسيه بتاعها معمول من الالمونيوم والمعدن بشكل عام

Grand-Prime.jpg

3- لون الموبايل

 حاول تختار لون موبايل لايق علي استايل حياتك واستايل لبسك يعني لو لبسك معظمه بيميل للون البني والازرق اختار اللون الازرق اما لو بيميل للون الاسود والرصاصي فاختار اللون الاسود وهكذا 

وطبعا ابعد عن الألوان اللى تعتبر ألوان بناتى شوية

smartphone-365072_960_720.jpg

واخيرا حاول تنضف الموبايل بتاعك كله يوم ومتستهونش بالموضوع ده ولا تكسل عنه ، عشان يفضل نضيف ويدي انطباع حلو عنك 

cover.jpg


شارك هذا المقال: