تشتغل 3 أيام بس ولا نقضيها شيفتات ؟

أحمد صلاح

لو انت موظف حكومه احب اقولك اطمن مش هتقعد تانى تفضل تستنى اجازات العيد الكبيره وتعمل منها اجازات بريدج عشان انت هتكون مستريح فى كل اسبوع بما فيه الكفايه ...


الحكايه كلها بدأت الاسبوع اللى فات لما الحكومه طلبت من الجهاز المركزى للتنظيم والاداره انها تدرس امكانيه تقليل ايام العمل اللى هما 5 ايام فى الجهاز الادارى للدوله -او يعنى للشغالين فى الحكومه


وواضح ان فيه تأييد جوه الحكومه على المقترح دا واكيد طبعا لهم اسباب لده زى موضوع توفير البنزين وتقليل الازدحام المرورى وترشيد الانفاق بشكل عام


الموضوع دلوقتى تحت محل الدراسه وكمان بدأو ياخدو اراء الموظفين وفيه 3 مقترحات شغالين عليها وبيدرسوها


المقترح الاول
هو ان الشغل يكون طول اليوم بس يكون بنظام شيفتات يعنى ممكن تاخد شفت الصبح وتشتغل فى ميعادك عادى او ممكن تبدأ شغلك بعد المغرب مثلا لغايه الساعه 12

2.jpg


المقترح التانى
وه ان ايام الشغل تفضل زى ماهيا بس عدد الساعات تقل بدل ماتخرج 3 هاتخرج 2

1.jpg


المقترح التالت
وهو تقليل ايام الشغل لـ اربع ايام وتكون الاجازه 3 أيام بس ساعات الشغل هتزيد ساعتين ..
ويقال ان المقترح التالت دا هو تقريبا اكتر مقترح متوافق عليه وتقريبا هو اللى هيطبق

3.jpg


ياترى انت رأيك هيكون ايه ؟؟ تحب تأجز 3 أيام ولا تشتغل بنظام الشيفتات  


شارك هذا المقال: