وسعوا للـMetal Gear Solid V: The Phantom Pain يا رجالة!

يوسف وائل

النهارده هو اليوم المنتظر لكل الجيكس والـgamers القُدام، سواء الشباب أو حتى اللي كسروا منتصف التلاتينات بس ما نسيوش العشق القديم. النهارده بتنزل Metal Gear Solid V: The Phantom Pain، واللعبة دي تحديدًا فيه ناس كتير مستنياها مش لمجرد حلاوتها لكن كمان "نوتسالچيا" التمانينات لأنها أطلقت سنة ٨٧ في اليابان ومن ساعتها وعلى مدار التسعينات نزل منها ٢٨ جزء وآخرهم كان Metal Gear Solid V: Ground Zeroes اللي كانت في ٢٠١٤


اللعبة هي تكملة للجزء الأخير Ground Zeroes بموت Agent Paz وإصابة Big Boss واللي هو زعيم الـMSF والـOuter Heaven في محاولة إنقاذ Paz من كامب أوميجا في كوبا، وده غير إن زعيم الـMSF أتصاب ودخل في غيبوبة والـMSF نفسه تم الهجوم عليه وتدميره!

Photo-3-Metal-Gear.jpg

أحداث Metal Gear Solid V: The Phantom Pain بتكمل قصة Ground Zeroes اللي بعد أحداثها بتسع سنين، فاق Big Boss من الغيبوبة اللي دخل فيها وأسس وقاد مجموعة جديدة من المرتزقة اسمهم Diamond Dogs وهيتجه علي أفعانستان في وقت حرب السوڤيت والأفغان وهيتجه برضه على حدود أنجولا وزائير في وقت الحرب الأهلية في أنجوليا، كل ده بيحصل في طريقة للبحث عن المتسبب في تفجير الـMSF!

مع مرور أحداث اللعبة ووسط المغامرات اللي مش هيبقى ليها أول من أخر، Big Boss بيقابل غريمه القديم  Revolver Oclet وهيقابل برضه معرفة قديمة تانية: Quiet. في طريقهم للإنتقام للـMSF، هيكتشف Big Boss وإيده اليمين Kazuhira إن دي كانت مؤامرة من Cipher؛ منظمة تابعة للـUSA واللي غرضها بده توحيد العالم كله وده كان نفس غرض إنشاء الـMSF برضه وكان حلم Big Boss علشان يبقى قائد العالم الجديد. تآمرت منظمة Cipher ضد الـMSF علشان يطوّروا موديل جديد من Metal Gear System اسمه SF-84. 

Photo-1-Metal-Gear.jpg

الشركة المنتجة للعبة هي Konami الشركة اليابانية اللي طبعًا عمرها ما بتخذلنا في التحديث والتطوير من نفسها سنة بعد سنة. في اللعبة دي، لعبوها أصيع وأذكى من كل لعبة. أولًا حطوا كمية أدوات وإكسسوارات جديد هتخلّي اللعب ممتع أكتر مليون مرة، ومش أسهل، لأن الأدوات دي ليك وعليك لأن استخدام كتير منهم ممكن يشكف موقعك بسهولة يعني مثال بسيط: لو فاكر إنه عادي تتحرك وتخترق مواقع الأعداء بالليل، فأنسى يا صاحبي الكلام ده، ما تفكّرش أصلًا لأن الأعداء هيبقوا بيلبسوا "نضارات واقعية" بتخليهم يشوفوا أكتر بالليل وهيقفشوك. مثال تاني: لو فاكر إنك صايع وهتقتل الأعداء بالتنشين في الراس بالقناص، فخالص بقى، لأن ممكن يبقى لابس خوذة مضادة للرصاص. يعني من الآخر، زي ما اللي معاك زاد، اللي ضدك زاد، وده في حد ذاته هايل.

Photo-2-Metal-Gear.jpg

وآخر حاجة بقى لازم تتقال هي إن اللعبة بقيت open world يعني جو إنك تنزل على الـmission وتطلع أول ما تخلّص أوتوماتيك ده مفيش منه خلاص، النظام الجديد بيكون راسم لك طرق تنهي وتبدأ بيها الـmissions وانت المفروض في open world فدّور بقى على الطريق يا بطل!


شارك هذا المقال: