السر اللى مخلى عمرو دياب .. معدى الناس

أحمد سامي

في علم ضبط الجودة او الـ " Quality Control" , في نوعين من الجودة :

الـ "Top Quality" والـ "Consistent Quality" ,

الـ Top Quality او "الجودة القصوى" هي انك تقدم افضل جودة ممكنة للمنتج لكن بغض النظر عن المدة التي تكون قادر فيها على الاستمرار في المستوي ده .. بمعني أن ممكن بعد فترة الجودة ممكن تنزل .

الـ Consistent Quality او "الجودة الثابتة" هي انك تقدم الجودة التي بترضي الزبون وتضمن ان يرجعلك تاني وفي نفس الوقت بتضمنله تقديم نفس الجودة لفترة طويلة جدا .

75110-.jpg

الشركات اللي بتقدم النوع الاول – الجودة القصوي - بتكون منافس خطير للشركات التي بتقدم النوع للثاني – الجودة الثابته - خصوصا في حال قدمت الخدمة او المنتج بأفضل جودة , لكن لما مستواها بيقل فا افضلية السوق بتروح للنوع الثاني – الجودة الثابته - مباشرة .
لو طبقنا فكرة الجودة دي في الفن هنلاقي أكبر مثال علي تحقيق -الجودة الثابته- : عمرو دياب ..


خلال مشوار فني لأكتر من 30 سنة , عمرو دياب قدر يحافظ علي جودة أعماله بشكل دائم , اّه هو مش في كل سنة كان أحسن أو أنجح مطرب , لأن كان دايما بيظهرله منافس – من نوعية الجودة القصوي – بيحقق نجاح أكتر منه في سنة من السنين , لكن في مجمل المشوار الفني عمرك ما هتلاقي

ألبوم عمرو دياب بينزل لأقل من رقم 2 ف السوق , وده لأنه دايما محافظ علي جودة أعماله .. عشان كده في مجمل مشواره دايما هو رقم واحد .. وده خلّي نسبة الثقة في أعماله – منتجاته – كبيرة جدا .. لدرجة أن جمهوره دايما يقول : لو عمرو دياب نزّل شريط فاضي برده هايتباع .

4_1234568796.jpg


في سنة 2004 لما عمرو دياب قرر ينضم لشركة روتانا , خلال المؤتمر الصحفي اتسأل عن المنافسة مع الجيل الصاعد من المطربين في الوقت ده زي تامر حسني و غيره .. ساعتها عمرو رد و قال : أنا بتسأل نفس السؤال من أيام ايمان البحر درويش !


الموقف ده بيخلص قصة أفضلية الجودة الثابته , علي أي نوع تاني من الجودة و بيفسر ليه عمرودياب دايما هو الرقم واحد , لكن عشان تعرف تحافظ علي ده لازم تعمل حاجات تانيه كتير .. هتلاقيها في اللينك ده :

http://www.ragel.com/Articles/Detail/AmrDiab1

واللي بيلخصلك في خطوات , ازاي انت كمان تقدر تكون رقم واحد في مجالك علي طريقة الهضبة .


شارك هذا المقال: