لو فاكر نفسك أكيل "مانجة" .. تعالي نختبرك

أحمد صلاح

لو نفسك تاكل مانجه .. واخدت بعضك ونزلت تشترى من عم عويس المنجاوى الى تحت بيتك كيلو مانجه سكرى الى هوه الكيلو ب 13 جنيه ده .. يبقه انته مش أكيل مانجه !!

ليه ؟ لأن المانجه السكرى دى مش للأكل دى للعصير يا افندى !! ايه دا ؟؟ هوه فى مانجه للأكل ومانجه للعصير ؟؟

اكيد لو انته أكيل مانجه هاتكون عارف ده كويس أوى .. وتعالو نتكلم عن انواعها قبل ماتنزل تشترى وتقف قدام انواعها ومانتش فاهم حاجه ومش عارف النوع ال هاتختارو اسمه ايه

mg_0542_2.jpg

قيمة المانجه الغذائية

المانجه هيا اشهر انواع الفواكه الصيفى الى فيها كمية كبيرة جدا من فيتامين سى وبتحتوى على 202 سعر حرارى و 1.28 من الدهون، و 50.33 من الكربوهيدرات و 5.4 من الألياف و 2.76 من البروتينات

cut-mango.jpg


ايه أشهر أنواعها :

السكرى

sokary.jpg

وهيا أشهر أنواع المانجه فى مصر ويمكن أرخصها كمان واكلها مش ممتع زى باقى الانواع والافضل انها تتعمل عصير وده لأن قشرتها رقيقة جدا..
لونها أصفر من بره ومن جوه نسبة الألياف فيها قليلة ونسبة السكر عالية – وسعر الكيلو تقريبا من 11-14 جنيه

الفص

elfass.jpg

اشهر انواع المانجه الاسمعلاوى واصغرها واطعم انواعها على الاطلاق واغلاهم تقريبا الكيلو بيتراوح مابين 35-40 جنيه وأكتر حاجه تزعل بقه انها بتخلص بسرعه وبتكون فى بداية الموسم وسعرها غالى عشان انتاجها بيبقى قليل والطلب عليها كتيييير
واكيل المانجه بجد بيدور عليها اول حاجه وهوه بيشترى

العويس

ewis.png

ودى تانى اكتر مانجه ممتعه فى أكلها لانها تقريبا مافهاش الياف ولونها الداخلى برتقالى وسكرها عالى وبذرتها صغيرة وهيا لونها اخضر او اصفر وسعرها تقريبا من 15-17 جنيه 

الزبدية

zebdia.jpg

لونها اخضر غامق ومن جوه برتقالى غامق , اليافها كتير وعشان كده الأكيل مش بتعجبه اوى فى اكلها انما عصيرها بيكون مميز والكيلو سعره 12-15 جنيه

الناعومى

na3omy.jpg

ودى الى بيبقى لونها احمر على أخضر وغالبا أحجامها بتكون كبيرة يعنى ممكن المانجايه الواحده تعمل نص كيلو واكتر , اليافها قليلة , لونها من جوه برتقالى فاتح

الفونس

fons.jpg

لونها اخضر مائل للاصفر وقشرتها خفيفة ولونها من جوه برتقالى فاتح وبذرتها صغيرة وحجمها متوسط شكلها بيضاوى طعمها مميز وقوى

الكيت

kit.jpg

ودى دايما بنلاقيها فى أخر الموسم وبتكون تقريبا اخر الانواع الموجوده فى السوق بس اكلها مش ممتع لانها فى الاغلب بتبقى ناشفه وطعمها مش قوى بس الاحسن تتعمل عصير

تيمور

taaaim.jpg

لونها أخضر مائل للازرق ومن جوه أصفر قشرتها ناعمه الى حد ما ورقيقة وتقريبا مافيهاش ألياف


طيب وانت بتشترى بقه ازاى تعرف ان المانجه دى مستويه وطعمها حلو ومش حادق ؟؟

اول حاجه: تمسك المانجايه وتضغط عليها لو لقتها ناشفه ومش طريه تعرف ان دى مش مستويه وهاتبقه حادقه

تانى حاجه: تمسكها وتشم ريحتها لو مالقتش ليها ريحه تعرف انها مش هاتكون طعمها حلو انما لو لقيت ريحتها نفاذه يبقه اتكل على الله وخدها

can-eating-mangoes-give-pot-smokers-faster-better-high-1280x600.jpg

اخر نصيحة بقه وانته بتاكل المانجه بلاش الاتكيت وحياة والدك والشوكه والسكينة وانت بتاكل .. ولو خطيبتك قدمتلك مانجه للأكل وانت عندها يفضل انك تلفها تيك اواااى

المانجة بيتفرشلهاااا

maxresdefault-1-.jpg


شارك هذا المقال: